17 vieraśnia u Nacyjanalnym mastackim muziei (vuł. Lenina, 20) adčyniłasia vystava, pryśviečanaja 70-hodździu abjadnanaja Biełarusi. Vystava budzie dziejničać da 19 kastryčnika.
Na joj demanstrujucca tvory sa zboraŭ Mastackaha muzieja, Muzieja historyi i kultury Biełarusi, Muzieja Janki Kupały, Smarhonskaha historyka‑krajaznaŭčaha muzieja, Biełaruskaha sajuza mastakoŭ, teatra imia Janki Kupały, a taksama raboty z pryvatnych kalekcyj. U ekspazicyju ŭvajšli tvory jak viadomych majstroŭ, hetak i małaviadomych mastakoŭ.
U ekspazicyju ŭklučany tvory viadomych majstroŭ Zachodniaj Biełarusi Piatra Sierhijeviča, Jazepa Drazdoviča, Michasia Sieŭruka, Paŭła Južyka, Bera Załkinda, Siarhieja Višnieŭskaha i Źmitra Kračkoŭskaha, jakija ŭ toj ci i inšaj stupieni źviazany ź Vilenskaj mastackaj škołaj. Na vystavie taksama demanstrujucca raboty mastakoŭ, źviazanych ź Biełastokam i Varšavaj, — Julija Krajeŭskaha, Chaima Tybiera, Isaka Kžečanoŭskaha, Uładzimira Zakreŭskaha i Naftała Rapaporta.
Tema abjadnańnia Biełarusi była šyroka adlustravana i ŭ savieckim mastactvie. Jano reprezientavana pracami Siamiona Hierusa, Alaksandra Dzieblera, Fiodara Madorava, Manosa Manaszona.
