Minski harsud u listapadzie 2021 hoda prysudziŭ Jahora da 11 hadoŭ kałonii ŭzmocnienaha režymu. Ź listapada 2020 hoda da svajho zatrymańnia ŭ mai 2021 hoda Dudnikaŭ ahučvaŭ roliki dla apazicyjnaha telehram-kanała. Jaho pryznali vinavatym pa dvuch artykułach kryminalnaha kodeksa: raspalvańnie varožaści i zakliki ŭ internecie da dziejańniaŭ suprać nacyjanalnaj biaśpieki.
Jak vyśvietliła Bi-bi-si, paśla pieravodu ŭ kałoniju stanovišča Dudnikava pahoršyłasia: administracyja kałonii nieadnarazova karała jaho za parušeńni praviłaŭ i ŭ vyniku damahłasia jaho pieravodu ŭ turmu.
Krynica, znajomaja sa spravaj Dudnikava, ličyć, što takim čynam KDB adpomściŭ Dudnikavu za publičnyja zajavy ab tym, jak paśla aryštu ŭ mai 2021 hoda ŭ jaho vybivali pryznalnyja pakazańni.
Jaho maci Julija Dudnikava ŭ listach u Miniust Rasii i pasolstva Rasii (kopii jość u Bi-bi-si) u Minsku prosić zabrać syna z turmy Biełarusi ŭ rasijskuju kałoniju.
Jana skardzicca, što nie moža atrymać spatkańni ź Jahoram, pakolki žyvie razam z małodšym synam u Rasii.
Julija Dudnikova prosić rasijski miniust skarystacca damovaj pamiž Biełaruśsiu i Rasijaj, jakija dazvalajuć pieradavać asudžanych dla dalejšaha adbyvańnia pakarańnia ŭ krainu, hramadzianami jakoj jany źjaŭlajucca.
Spačatku Dudnikava abvinavačvali pa artykule ab hrubym parušeńni hramadskaha paradku, ale zatym abvinavačvańnie zrabili bolš žorstkim. Pasiadžeńni suda pa spravie Dudnikova prachodzili ŭ zakrytym režymie. Na abviaščeńnie prysudu nie puścili navat rasijskaha konsuła.
«Sud vybraŭ samaje strohaje pakarańnie, navat za zabojstva dajuć mienš», — kazaŭ paśla prysudu Hašynski. Abskardžvać prysud nie ŭdałosia. U kałonii jaho pryznali złosnym parušalnikam, i sud dazvoliŭ pieravieści jaho ŭ turmu.
Katavańni ŭ SIZA
U liście ź SIZA, jaki byŭ apublikavany ŭ ŚMI, Dudnikaŭ raspaviadaŭ, što pry zatrymańni jaho bili nahami i rukami. «Nastupstvami zatrymańnia stali siniaki i raskołaty zub», — pisaŭ jon. Paśla pieratrusu, pa słovach Jahora, jamu nadzieli na hałavu miašok i skazali, što «pajeduć zakopvać». Tolki praź niekalki tydniaŭ paśla jaho źmiaščeńnia ŭ SIZA da Dudnikava ŭdałosia trapić advakatu — tady jaho naviedali stamatołah i psichołah.
Spačatku Dudnikaŭ, ź jahonych słoŭ, nie pryznavaŭ vinu, ale paśla pahroz i abiacańniaŭ, što jaho departujuć u Rasiju, daŭ pryznalnyja pakazańni na kamieru i napisaŭ jaŭku z pavinnaj.
Paźniej, pisaŭ Jahor, u izalatar pryjazdžali supracoŭniki telekanała ANT i prasili jaho pramović na kamieru dźvie frazy: «Ja, Dudnikaŭ Jahor, viadomy jak Złojbet [imia ŭ Telegram]. Vy łochi, bałaboły, ja rasčaravany ŭ vas i ja supracoŭničaju sa śledstvam».
«Stomleny i vymatany»
Adzinaja addušyna dla Jahora ŭ turmie — heta čytańnie, dzielicca jaho maci. «Jon vielmi šmat čytaje, zachaplajecca japonskaj kulturaj, «Vajnu i mir» niadaŭna pieračytvaŭ. Ja zmahła pieradać jamu niejkija knihi, pakul jon byŭ u SIZA», — kaža jana.
Apošni raz Julija bačyła syna ŭ lutym. «Jamu 21 hod, a ja bačyła stomlenaha [čałavieka] jak byccam jamu hadoŭ 35-40. Viedajecie, kali čałaviek, jaki ŭžo pažyŭ. Stomleny, vymatany», — dadaje Dudnikava.
