Fota: cercocerco.net.
Pa miery taho, jak prahramy dla znajomstvaŭ i sacyjalnyja sietki ŭsio bolš udaskanalvajuć našy adnosiny, virusnyja terminy dla apisańnia sučasnych pavodzin pry spatkańniach stanoviacca ŭsio bolš raspaŭsiudžanymi.
Termin śnitynh (sneating) atrymaŭsia ad złučeńnia dvuch słovaŭ: sneaky i eating (podła i pajeści). Ad čaho niaciažka zdahadacca, što jon apisvaje źjavu, kali asoba idzie na spatkańnie z kimści (navat vypadkovym i niepryvabnym čałaviekam), kab… pajeści biaspłatna. I taki sposab znajomstva vykarystoŭvajuć jak žančyny, tak i mužčyny.
Pieršaja sustreča — ci pavinien mužčyna płacić?
Mnohija ludzi da hetaha času absalutna pierakanany, što mienavita mužčyna pavinien płacić na pieršym spatkańni. Z adnaho boku, apłata za rachunak mužčynam moža ličycca džentlmienskimi pavodzinami, a z druhoha — heta moža być sproba prymusić inšuju asobu ŭziać na siabie peŭnyja abaviazacielstvy. Adnak zvyčajna heta aznačaje prosta žadańnie prajavić siabie z dobraha boku i pastupova pierakonvać čałavieka ŭ svaich ramantyčnych namierach.
Kožny sam za siabie, ci pa čarzie?
Ciapier hiendarnaja roŭnaść i niezaležnaść žančyn stali realnaściu ŭ paraŭnańni ź ijerarchijaj, jakaja panavała jašče niekalki dziesiacihodździaŭ tamu. I mnoha chto prytrymlivajecca praviła, što žančyna pavinna płacić za siabie, asabliva, kali heta pieršaje spatkańnie i my jašče nie viedajem, jak składziecca dalejšy los. Rašeńnie padzialić košt zdajecca samym razumnym, adnak niekatoryja mohuć uspryniać heta jak sihnał adsutnaści cikavaści da niečaha bolšaha, čym pryjacielskaje znajomstva.
Kali vy ŭsio ž addajacie pieravahu takoj formie, varta painfarmavać pra heta ŭžo na momancie składańnia zamovy, kab paźbiehnuć niajomkich situacyj. Kali paśla pieršaha spatkańnia vy aboje vykažacie žadańnie znoŭ sustrecca, moža być, varta pačać płacić pa čarzie? Usio zaležyć ad vašaha ŭłasnaha padychodu, a taksama ad vašaha partniora.
U čym zaklučajecca sens śnitynhu?
Internet znajomić nas z usio novymi i novymi afierami padčas znajomstvaŭ. Dyk voś kali adzin čałaviek kiruje pieršaj sustrečaj tak, kab źjeści jak maha bolš i ŭrešcie rešt nie zapłacić, nie pryznačyŭšy nastupnaje spatkańnie i całkam pierarvaŭšy kantakt z vami, viedajcie — vy stali achviaraj śnitynhu. Svajho partniora abo partniorku takaja asoba traktuje vyklučna jak sponsara, nie demanstrujučy nijakaj cikavaści da jaho/iaje.
Roznyja taktyki
Moža padacca, što lohka daviedacca, kali sprava tyčycca tolki ježy. Adnak heta nie zaŭsiody tak prosta. U toj momant, kali ŭstupajuć u hulniu pačućci, možna chutka zhubić zdarovy hłuzd i paddacca na ŭhavorvańni partniora. Śnitynh heta nie prosta vymahańnie kupić samyja darahija stravy ŭ mieniu, heta i kazki pra zabyty kašalok, i ŭhavorvańnie na bonusny desiert, i raptoŭnaje žadańnie zamiest kaviarni pajści ŭ restaran. Heta ŭsio sihnały, jakija śviedčać pra nie zanadta ramantyčnyja namiery inšaha čałavieka. Časam prychilniki takich taktyk sustrakajucca ź ludźmi, jakija zusim nie pryvabnyja dla ich (dy jašče i mohuć navat nie chavać heta!), ich meta — najeścisia ŭvolu.
Jak nie akazacca achviaraj śnitynhu?
Dla niekatorych mahčymaść biaspłatnaj, sytnaj ježy važniejšaja za lubuju maral i praviły. Takich ludziej nie chvaluje, što jany vykarystoŭvajuć inšy bok nie tolki finansava, ale i emacyjna. Zaŭvažajecca ŭsio bolš i bolš ludziej, jakija pačynajuć kazać pra źjavu śnitynhu ŭsłych i papiaredžvać inšych.
Kab pierakanacca ŭ namierach patencyjnaha partniora i nie być padmanutym na pieršym spatkańni, varta pryznačyć sustreču ŭ niejtralnym miescy, schadzić na špacyr, źjeści pa marozivu ci vypić pa kavie na adkrytym pavietry. Zatym budzie lohka daviedacca, vami ci vašym kašalkom cikavicca inšy čałaviek.
Pamiatajma, što ludzi, ź jakimi my znajomimsia anłajn, mohuć i nie zaŭsiody chacieć padmanuć nas. Adnak zaŭsiody varta być aściarožnym.
