Režym nadzvyčajnaj situacyi ŭ pamiežnych rajonach byŭ uviedzieny hod tamu, 11 žniŭnia 2021 hoda, kali z terytoryi Biełarusi pačała iści chvala nielehalnaj mihracyi. Potym jaho niekalki razoŭ padaŭžali — z uvahi na mihracyjny kryzis, stvorany biełaruskimi ŭładami.
U MUS Łatvii kažuć, što za hety čas ahułam było spyniena 6777 sprobaŭ niezakonnaha pierasiačeńnia dziaržaŭnaj miažy.
Za apošnija miesiacy ich kolkaść źmienšyłasia: u mai było zafiksavana 20 sprobaŭ niezakonnaha pierasiačeńnia miažy, u červieni — 96, a ŭ lipieni — tolki piać.
Nieŭzabavie ŭ Łatvii płanujuć za prykładam Polščy i Litvy pačać budaŭnictva pastajannaha płota na miažy ź Biełaruśsiu.