Sudovaje pasiadžeńnie pryznačanaje na 13 vieraśnia, paviedamlaje Reform.by.
Chanin, jaki žyvie ciapier u Varšavie, i Maksimava, jakaja žyvie ŭ Vilni, zasnavali «Mazhobojniu» ŭ 2012 hodzie, u 2014 hodzie zapuścili pieršuju franšyzu, a da 2022 hoda franšyzy dziejničali ŭ 275 haradach.
Jak śćviardžajuć Maksimava i Chanin, z pačatkam pandemii i zakryćciom miežaŭ jany apynulisia adrezanymi ad rasijskich partnioraŭ: ich nie infarmavali pra zum-sustrečy, nie zaprašali na ich i pastupova adchilili ad pryniaćcia kiraŭničych rašeńniaŭ, a hiendyrektar pierastaŭ dasyłać im finansavyja spravazdačy ź lipienia 2020 hoda.
U sakaviku 2021 hoda Chanin vioŭ pieramovy z patencyjnym inviestaram, ale rasijskija partniory ŭbačyli ŭ hetym žadańnie Chanina, Maksimavaj i Cisienki vyjści z kampanii i admovilisia ad prapanovy.
U lipieni taho ž hoda Maksimava daviedałasia pra isnavańnie damovy pamiž kiprskaj Mozgo LTD i zarehistravanym u Rasii TAA «Kviz Mazhabojnia», jakaja naležyć astatnim trom akcyjanieram. Pa słovach Maksimavaj, damova była ab adčužeńni tavarnych znakaŭ, pravoŭ na partał Mozgo.com i bazy viedaŭ «Mazhabojni» z kiprskaj kampanii na karyść rasijskaj. U listapadzie Maksimava, Chanin i Cisienka padali isk u kiprski sud, kab asprečyć ździełku, jakuju ździejśnili bieź ich viedama.
Troje rasijskich akcyjanieraŭ tym časam pierajmienavali kampaniju ŭ Ruda Games i prapanujuć frančajzi pierazaklučać dahavory z novaj jurasobaj.
