Fota: AP
Niazdolnaść rasijskich vojskaŭ atrymać vyhadu z papiarednich pośpiechaŭ pad Bachmutam i Aŭdziejeŭkaj źjaŭlajecca prykładam bolš fundamientalnaj prablemy — prademanstravanaj niazdolnaści pieratvaryć taktyčnyja pośpiechi ŭ apieratyŭnyja.
Rasijskim vojskam nie ŭdavałasia skarystacca taktyčnymi praryvami dla manieŭru ŭ tyłavyja rajony Ukrainy ci vyviadzieńnia z ładu značnych učastkaŭ ukrainskich abarončych rubiažoŭ.
Hetym tłumačacca nadzvyčaj pavolnyja tempy prasoŭvańnia rasijskich sił na ŭschod Ukrainy, jakija pierakanaŭča śviedčać, što rasijskija vojski nie zmohuć zachapić bolš terytoryi ŭ najbližejšyja miesiacy, kali tolki situacyja nie budzie raźvivacca niepradbačanym čynam.
Rasijskija siły naŭrad ci zmohuć kansalidavać dastatkova resursaŭ dla nastupalnaj apieracyi, jakaja pryviała b da značnaha terytaryjalnaha prasoŭvańnia.
Rasijskim siłam taksama spatrebicca sfarmavać i zadziejničać dadatkovyja šturmavyja hrupy i bajavoje abstalavańnie, kab adnavić navat hetyja abmiežavanyja terytaryjalnyja prasoŭvańni, jakija dajuć nievialikija taktyčnyja pieravahi.
Pry hetym rasijskija akupacyjnyja ŭłady, pa acency ekśpiertaŭ ISW, uzmacnili filtracyjnyja mierapryjemstvy i vykradańni na akupavanych terytoryjach napiaredadni Dnia niezaležnaści Ukrainy, jaki adznačajecca 24 žniŭnia.
