Fota: «Minsk-naviny»
«Hrašovaja norma vydatkaŭ na charčavańnie ŭ zaležnaści ad typu ŭstanovy adukacyi i času znachodžańnia ŭ im pavialičanaja ad 9% da 13%. Naprykład, va ŭstanovach daškolnaj adukacyi — na 10%, siaredniaj adukacyi — na 11%», — skazaŭ Kadłubaj.
U dziciačych sadkach normy vydatkaŭ varjirujucca ad 3,2 da 6,5 rubla ŭ zaležnaści ad uzrostu dziciaci i času jaho znachodžańnia ŭ sadku.
Pra pavieličeńnie hrašovych normaŭ raschodaŭ na charčavańnie navučencaŭ stała viadoma 14 lipienia z aficyjnaj pastanovy ŭrada.
Adnak u Minadukacyi tady zajavili, što hetyja źmieny nie zakranuć siamiejny biudžet.
«Heta nie tyja vydatki, jakija baćki pavinny davać dzieciam na školnuju stałovuju, a srodki dziaržavy, jakija iduć na biaspłatnaje charčavańnie, — udakładnili ŭ Minadukacyi. — A heta — 65% dziaciej u Biełarusi: vučni 1-4 kłasaŭ, usie navučency sielskich škoł i inšyja katehoryi. To-bok Saŭmin pryniaŭ pastanovu, u jakoj dziaržaŭnaja padtrymka pavialičvajecca, bo normy charčavańnia pieraličanyja z ulikam inflacyi i rostu cen na pradukty».
U viedamstvie padkreślili, što pavyšeńnie składzie ad 50 kapiejek da 1,5 rubla pa roznych uzrostach. Ale sukupna havorka idzie pra 25 miljonaŭ rubloŭ, jakija vydzielić dziaržava.
