Darahi Prezident Zialenski! Darahija ŭkraincy i ŭkrainki!

Ad imia biełarusaŭ i Abjadnanaha Pierachodnaha Kabinieta Biełarusi vinšuju vas z Dniom Niezaležnaści Ukrainy! Hety dzień adhukajecca ŭ sercach i dušach usich svabodalubnych biełarusaŭ. Siońnia vy achviarna baronicie i svaju volu, i niezaležnaść Jeŭropy. Našaja kraina Biełaruś zaraz paniavolenaja, i rasijskija ahresary ź biełaruskaj ziamli padstupna atakujuć mirnyja ŭkrainskija harady i sioły.

Ale biełaruski narod, jaki ŭ 2020 hodzie zrabiŭ vybar na karyść svabody, nie budzie viečna mieć nad saboj pryhniotu. Heta paćviardžajuć i biełaruskija vajary ŭ składzie Uzbrojenych siłaŭ Ukrainy, i našyja advažnyja partyzany, jakija spyniali rasijskija ciahniki, što ruchalisia ŭ bok Ukrainy.

Na siońniašniaje śviata prypadaje paŭhoda ad pačatku ahresii Rasii suprać Ukrainy. Tyja antyŭkrainskija mety, jakija zajaviŭ Kreml, taja biaźlitasnaść, niepavaha da čałaviečaha žyćcia i da ŭsiaho ŭkrainskaha, robiać hetaje zmahańnie Ukrainy zmahańniem za spraviadlivaść, hodnaść, za svoj dom.

Pahroza niezaležnaści Biełarusi i Ukrainy sapraŭdy surjoznaja. Handlujučy biełaruskim suvierenitetam dziela zachavańnia ŭłady, niezakonny režym haniebna ŭciahnuŭ našuju krainu ŭ hetuju vajnu, parušyŭ abiacańni pierad ukrainskim narodam i zdradziŭ biełaruskaj dziaržaŭnaści. My ŭžo viedajem, što dla ahresara Pucina Biełaruś i Ukraina ŭvohule nie pavinny isnavać jak dziaržavy.

I heta robić našuju z vami baraćbu supolnaj. Bo biez volnaj Ukrainy nie budzie volnaj Biełarusi, ale i biez volnaj ad tyranii Biełarusi nie moža być tryvałaj biaśpieki dla Ukrainy i dla ŭsioj Jeŭropy.

My razam pavinny pieraadoleć hety niebiaśpiečny etap, spynić dyktataraŭ i pačać naładžvać novyja adnosiny pamiž našymi dziaržavami, jakija buduć mieć za asnovu ahulnačałaviečyja kaštoŭnaści, jeŭrapiejskuju pierśpiektyvu i intaresy ŭzajemnaj i rehijanalnaj biaśpieki.

Na hetym šlachu demakratyčnaja Biełaruś staić na baku Ukrainy, a sami biełarusy štodnia dapamahajuć ukraincam adstajać svabodu.

My vierym u pieramohu Ukrainy i budziem praciahvać padtrymlivać ukrainski narod u pabudovie takoj budučyni, jakuju jon sam abiare. I ja vieru, što biełarusy i ŭkraincy abaviazkova buduć lepšymi susiedziami ŭ svabodnaj jeŭrapiejskaj prastory.

Słava Ukraïni! Žyvie Biełaruś!

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?