Prezident Turcyi Redžep Taip Erdahan zajaviŭ, što razmaŭlaŭ z rasijskim kaleham Uładzimiram Pucinym z nahody koštu hazu. Pra heta jon skazaŭ žurnalistam.
«U nas pakul niama takich prablem [z pastaŭkami]. Rasija nie ŭžyvała ŭ dačynieńni da nas sankcyi. U mianie była sustreča ź im [Pucinym], padčas jakoj my razmaŭlali pra canu [na haz]. Kali jaho pazicyja budzie pazityŭnaj, to dla našaha naroda buduć pradastaŭlenyja maksimalna vyhadnyja ceny», — skazaŭ Erdahan.
Pa jaho słovach, Ankara pastaviła pierad saboj metu — u 2023 hodzie zabiaśpiečyć svaim hramadzianam tanny haz za košt syraviny, što zdabyvajecca ŭ krainie. Turcyja ŭkładzie amal $10 młrd na raspracoŭku radovišča Sakarja ŭ Čornym mory. Pačać zdabyču płanujuć u 2023 hodzie, zapasy aceńvajucca ŭ 540 młrd kub. m.
