Padstavaj stała majka z «Pahoniaj» i z nadpisam «#BNR100 Chaj vola viečna budzie z nami!». Na sudzie mužčyna całkam pryznaŭ vinu i patłumačyŭ, što ŭ kancy žniŭnia jon razam z žonkaj pryjechaŭ na adpačynak u sanatoryj. U adzin ź dzion apranuŭ majku i niejki čas znachodziŭsia ŭ joj u administracyjnym budynku siarod adpačyvalnikaŭ, paviedamlaje «Viasna».
Na majku sa «śpiecyfičnaj simvolikaj» źviarnuŭ uvahu «nieabyjakavy hramadzianin» i paskardziŭsia ŭ Dokšycki RAUS. U vyniku mužčynu zatrymali, a majku zabrali. Da materyjałaŭ spravy dałučyli videazapis z sanatoryja, na jakim zafiksavany «ŭdzieł u niesankcyjanavanym pikietavańni». Viadoma, što ŭ studzieni mužčynu ŭžo sudzili pavodle art. 24.23 KaAP.
Sudździa Dokšyckaha rajona Viačasłaŭ Jelisiejenka 5 vieraśnia pryznaŭ mužčynu vinavatym u «pikietavańni» i aryštavaŭ jaho na 15 sutak, a majku pastanaviŭ źniščyć, bo jana «nie ŭjaŭlaje kaštoŭnaści».
