Fota: publicdomainvectors.org

Fota: publicdomainvectors.org

Ćvik i abcuhi

Ubicie abo ŭkrucicie ćvik u korak, a paśla pasprabujcie vyciahnuć jaho abcuhami, piša Onet.pl.

Nažnicy

Utorknicie adno lazo nažnic ŭ korak, a zatym pasprabujcie ich vykrucić. Rabicie heta pakul korak nie asłabnie — tady dastańcie korak rukoj.

Zapalnička

Nahrejcie rylca butelki zapalničkaj, i korak vyskačyć sam. Drennaja navina ŭ tym, što moža vylicca častka vina, tamu treba być uvažlivym.

Adviortka

Ubicie adviortku ŭ korak i pasprabujcie vyciahnuć jaho.

Zasuńcie korak ŭnutr butelki

Vaźmicie luby ćviordy pradmiet, jakim vy zmožacie zahnać korak ŭnutr — padydzie ŭsio až da zubnoj ščotki i kluča. Kab uzmacnić efiekt, možna ŭbivać taki pradmiet, da prykładu, małatkom dla miasa abo inšym ciažkim pradmietam. Praŭda, tak možna raźbić butelku, tamu varta nie pierastaracca.

Čaravikam

Tak, mienavita čaravikam. Čym składaniej adkryć butelku, tym bolš adčaju i tym bolš dziŭnyja idei, asabliva kali vy znachodziciesia na pryrodzie ź siabrami i nichto nie choča iści dadomu za adkryvałkaj.

Ustaŭcie butelku doncam u vierchniuju častku čaravika, mocna abchapicie jaje i stuknicie abcasam ab ścianu tak mocna, kab korak adskočyŭ. Prytrymlivajcie korak palcam, kab źmieściva butelki nie vyliłasia na ziamlu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?