Jadziernyja vyprabavańni ŭ 1952 hodzie
Mik Maran ličyć, što ryzyka taho, što Pucin prymienić jadziernuju zbroju va Ukrainie, pierabolšanaja. Vydatki i nastupstvy dla Rasii pieravažvajuć mahčymyja vyhady, tamu jon ličyć heta blefam.
Pa słovach Mika Marana, estonskaja raźviedka značna raniej infarmavała zachodnich partnioraŭ ab mahčymym uvarvańni Rasii va Ukrainu i za 10 dzion da ŭvarvańnia apublikavała daśledavańnie pad nazvaj «Rasija hatovaja da vajny». Niekatoryja sajuźniki ličyli heta typovaj «bałtyjskaj antyrasijskaj apantanaściu».
— My pieravychavali abo navučyli niekatorych našych partnioraŭ. Ciapier heta bolš padobna na abmierkavańnie i paraŭnańnie zapisaŭ pamiž roznymi słužbami. Heta pryjemnaje pačućcio, — kaža Maran.
Maran nahadvaje, što napad na Ukrainu i pośpiechi na poli boju «nienaŭmysna» ŭmacavali biaśpieku Estonii i NATA, bo rasijskaja armija ŭ najbližejšy čas nie budzie zdolnaja na jakuju-niebudź bujnuju apieracyju. Akramia taho, uzrasła mabilizacyja členaŭ NATA. Prezident Džo Bajden niadaŭna paŭtaryŭ, što amierykanskija vajskoŭcy buduć abaraniać «kožnuju piadziu» ziamli aljansu.
Kiraŭnik estonskaj raźviedki raskrytykavaŭ marudlivaść zachodnich lidaraŭ u adpraŭcy va Ukrainu ciažkich nastupalnych uzbrajeńniaŭ:
— Zachad pavinien pazbavicca hetaha samaabmiežavańnia, što my byccam by pavinny abmiežavać sistemy zbroi abo bojeprypasy vaśmiudziesiaciu kiłamietrami abo saraka kiłamietrami. Usia adpraŭlenaja NATA zbroja ciapier prachodzić vajskovyja vyprabavańni. Tamu my zacikaŭlenyja ŭ tym, kab dać Ukrainie toje, što jana prosić.
Šancy Ukrainy na pieramohu
Z samaha pačatku estonskaja raźviedka aceńvała mahčymaści Kijeva vyšej, čym mnohija inšyja vyviedvalnyja słužby ŭ NATA, jakija pradkazvali razvał armii Ukrainy, stratu jaje vajskova-pavietranych siłaŭ i partyzanskuju vajnu.
Miž tym niaŭdačy Rasii na froncie i pośpiechi Ukrainy prymusili niekatorych zachodnich palitykaŭ, uklučajučy kanclera Hiermanii Ołafa Šolca i prezidenta Francyi Emanuela Makrona, nacisnuć na Ukrainu, kab jana pačała mirnyja pieramovy z Rasijaj. Niadaŭna da ich dałučylisia Iłan Mask i Papa Rymski Francišak, jakija zaklikali prezidenta Ukrainy Uładzimira Zialenskaha da pieramovaŭ z Maskvoj:
— Naša praca jak raźviedvalnaj słužby ŭ tym, kab davać pravilnuju acenku infarmacyi našamu kiraŭnictvu. I naša acenka takaja: my nie pavinny prymušać Ukrainu da jakich-niebudź pieramovaŭ, bo heta stvoryć uražańnie, što ŭsio idzie pa płanu Pucina.
«Jadziernaja hulnia» Uładzimira Pucina
Niekatory čas tamu Džo Bajden zajaviŭ, što apošni raz imaviernaść prymianieńnia jadziernaj zbroi była takoj vysokaj padčas kubinskaha rakietnaha kryzisu. U 1962 hodzie SSSR chacieŭ pastavić bojehałoŭki na Kubie, kiravanaj Fidelem Kastra, pahražajučy ZŠA:
— Pa-pieršaje, ja ŭpeŭnieny, što ŭsie asnoŭnyja słužby sočać za situacyjaj u Rasii vakoł jadziernych zapasaŭ. Jadziernaja moc NATA hatovaja spravicca z hetym scenarom. Pa-druhoje, ja b skazaŭ, što navat Kitaj i Indyja buduć mieć davoli rezki adkaz, prynamsi, na słovach, u vypadku, kali Rasija padarvie jadziernuju bombu. U hetym vypadku Pucin ryzykuje stracić svaich adzinych siabroŭ.
Čym skončycca vajna?
Maran upeŭnieny, što ŭvarvańnie Rasii va Ukrainu skončycca pieramohaj Ukrainy. Niezrazumieła tolki, kali i što heta budzie značyć na praktycy, bo Rasija moža doŭhi čas pryciahvać reziervistaŭ:
— Jany pavinny pieramahčy, bo dla Ukrainy heta vajna za niezaležnaść. Heta nie prosta rehijanalny kanflikt, i tamu jany vielmi matyvavanyja.
Chto taki Mik Maran?
Mik Maran, jaki naradziŭsia ŭ 1978 hodzie — estonski dziaržaŭny słužboviec. Z 2016 pa 2022 hod jon zajmaŭ pasadu kiraŭnika raźviedki Estonii. Z 1 listapada 2022 hoda jon budzie zajmać pasadu hienieralnaha dyrektara Dziaržaŭnaha centra kiravańnia lasnoj haspadarkaj. Heta dziaržaŭnaja ŭstanova, jakaja kłapocicca pra lasy Estonii (jany zajmajuć bolš za 30 pracentaŭ terytoryi krainy).
Čytajcie jašče:
Kali zaŭtra jadzierny ŭdar. Piać scenaryjaŭ prymianieńnia Pucinym zbroi masavaha źniščeńnia, nastupstvy i varyjanty adkazu NATA
Eks-dyrektar CRU: ZŠA źniščać usiu rasijskuju techniku va Ukrainie i «kožny karabiel u Čornym mory», kali Pucin prymienić jadziernuju zbroju
