Fota: AP Photo/Ng Han Guan
Źjezd taksama zaćvierdziŭ novy skład Centralnaha kamiteta partyi. U śpis nie ŭvajšli čatyry ź siami členaŭ raniejšaha Pastajannaha kamiteta Palitbiuro, uklučajučy premjer-ministra Li Keciana. I ŭvohule byli adnoŭlenyja dźvie traciny składu CK KPK.
Byłoha lidara Kitaja Chu Czińtaa vyvieli z zały pierad pramovaj Si Czińpina: heta vyklikała zdahadki pra jaho niamiłaść i navat mahčymy aryšt. Adnak, pavodle aficyjnych tłumačeńniaŭ Piekina były hienieralny sakratar nibyta adčuŭ siabie kiepska, i asistenty dapamahli jamu pakinuć zału pasiadžeńniaŭ.
U svaim dvuchhadzinnym dakładzie źjezdu Si Czińpin paznačyŭ svajo bačańnie raźvićcia Kitaja da 2035 hoda. Jon kazaŭ pra raźvićcio ekanomiki, adukacyi, madernizacyi pramysłovaści i pierachodu na «zialonuju» enierhietyku.
U rašeńniach źjezda padkreślivajecca, što Kitaj budzie supraćstajać niezaležnaści Tajvania, niahledziačy na toje, što pierśpiektyvy mirnaha dałučeńnia jaho da Kitaju stanoviacca ŭsio mienš realistyčnymi. Si Czińpin u dakładzie padkreśliŭ, što Kitaj nakiravany na mirnaje ŭźjadnańnie z Tajvaniem, ale ŭ vypadku nieabchodnaści hatovy prymianić siłu.
