Na praciahu apošnich tydniaŭ Kišynioŭ skałynajuć akcyi pratestu, arhanizavanyja partyjaj Šora z patrabavańniem adpravić u adstaŭku Sandu.
Kantrol nad dvuma asnoŭnymi prarasijskimi telekanałami Małdovy byŭ pieradadzieny blizkamu paplečniku Šora ŭ kancy vieraśnia, što dało jamu važnuju płatformu dla prasoŭvańnia aryjentavanaha na Maskvu paradku dnia ŭ krainie, piša The Washington Times.
Akramia taho, dadaje amierykanskaje vydańnie, pierachoplenyja źviestki śviedčać pra toje, što FSB nakiravała hrupu rasijskich palittechnołahaŭ kansultavać partyju Šora.
U intervju Šor admaŭlaŭ padtrymku z Maskvy.
«My źjaŭlajemsia absalutna niezaležnaj partyjaj, jakaja abaraniaje tolki pazicyju hramadzian Małdovy», — skazaŭ jon. Akcyi pratestu jon tłumačyć namieram vyratavać krainu ad enierhietyčnaha kałapsu, jaki niepaźbiežny, kali Sandu budzie praciahvać dziejničać u tym ža duchu.
Na hetym tydni suprać Šora i jaho žonki śpiavački Žaśmin byli ŭviedzienyja sankcyi ZŠA. Pa adnoj ź viersij, jany byli źviazanyja jakraz z pratesnaj aktyŭnaściu partyi Šora ŭ Małdovie.
