Nahadajem, što, pavodle apublikavanaj afišy mierapryjemstva na 14.00 4 listapada, byŭ zapłanavany anłajn-kinaprahlad razam z rasijskimi kalehami z Pskoŭskaha ŭniviersiteta papularnaj u saviecki čas ideałahičnaj kazki Arkadzia Hajdara pra Malčyša-Kibalčyša z nastupnym abmierkavańniem.
Ale najbolšuju niehatyŭnuju reakcyju vyklikała mierapryjemstva, pryznačanaje na 17.00. Na hety čas zapłanavanaja nastolnaja rolevaja hulnia «Vorah naroda», jakaja budzie pravodzicca pa matyvach hulni «Mafija».
Vidać, hramadskaja dumka akazała peŭny ŭpłyŭ na arhanizataraŭ mierapryjemstvaŭ, bo ŭ novaj viersii afišy, jakoj zamianili papiaredniuju, užo nie paznačana ni toje, jakaja kazka budzie prahladacca i abmiarkoŭvacca, ni jak budzie nazyvacca rolevaja hulnia. Adnak sami mierapryjemstvy nie admienienyja i nieviadoma, ci skarektavany ich źmiest.
