Adznačajecca, što rasijski prezident Uładzimir Pucin nie prymaŭ udziełu ŭ hetych razmovach, jakija adbyvalisia na fonie ŭzmacnieńnia jadziernaj rytoryki Rasii i jaje niaŭdač na poli boju. Ale toj fakt, što vyšejšyja rasijskija vajskovyja kiraŭniki ŭvohule viaduć padobnyja dyskusii, vyklikaje zaniepakojenaść u Administracyi prezidenta ZŠA Džo Bajdena, bo heta śviedčyć, nakolki rasijskija hienierały rasčaravanyja svaimi niaŭdačami na miescach.
Amierykanskija aficyjnyja asoby zajavili, što jany nie bačyli prykmiet taho, što rasijanie pieramiaščajuć jadziernuju zbroju na miescy ci niejak rychtujucca da ŭdaru. Ale ŭ toj ža čas raźviedźviestki pra razmovy rasijskich hienierałaŭ byli daviedzienyja da amierykanskaha kiraŭnictva ŭ siaredzinie kastryčnika.
Džon Kirbi, pradstaŭnik Rady nacbiaśpieki ZŠA, admoviŭsia kamientavać «detali hetaha dakładu». Jon, u pryvatnaści, skazaŭ:
«My z samaha pačatku vyrazna dali zrazumieć, što kamientary rasijan u dačynieńni da patencyjnaha prymianieńnia jadziernaj zbroi vyklikajuć hłybokuju tryvohu, i my ŭsprymajem ich surjozna. My praciahvajem adsočvać heta jak maha lepš, ale my nie bačym nijakich prykmiet taho, što Rasija rychtujecca da takoha vykarystańnia».
Novyja raźviedźviestki ZŠA źjavilisia akurat tady, kali Maskva prasoŭvała ideju ab «brudnaj bombie», jakuju nibyta płanuje vykarystać Ukraina.
