«Ździejśnieny vychad Ukrainy z pahadnieńnia ab harantyjach pravoŭ hramadzian krain — udzielnic SND u halinie piensijnaha zabieśpiačeńnia, zaklučanaha 13 sakavika 1992 hoda ŭ Maskvie», — zajaviŭ Mielničuk.
Pahadnieńnie, u pryvatnaści, praduhledžvaje, što pry ŭstalavańni prava na piensiju hramadzianam kožnaj z krain-udzielnic uličvajecca pracoŭny staž, nabyty na terytoryi byłoha SSSR, u tym liku piensii na lhotnych padstavach i za vysłuhu hadoŭ. Taksama ŭ dakumiencie prapisana supracoŭnictva orhanaŭ, jakija ažyćciaŭlajuć piensijnaje zabieśpiačeńnie ŭ dziaržavach-udzielnicach. Udzielnikami pahadnieńnia byli Armienija, Biełaruś, Kazachstan, Kyrhyzstan, Małdova, Tadžykistan, Turkmienistan, Uźbiekistan i Ukraina.
Akramia taho, Mielničuk paviedamiŭ pra spynieńnie dziejańnia ramačnaha pahadnieńnia pamiž ukrainskim i biełaruskim uradami ab supracoŭnictvie ŭ śfiery daśledavańnia i vykarystańnia kaśmičnaj prastory ŭ mirnych metach.
a ŭ niemirnych značyć možna..?