Zahinuły vieterynar Siarhiej Čambrovič
«Padčas napadu złačyncy (druhaja asoba nie ŭstanoŭlena) pahražali, nanosili šmatlikija ŭdary nahami i rukami, a zatym adzin ź ich zrabiŭ try streły. Metaj było prysvajeńnie čužoj majomaści», — piša rajonka.
Vydańnie «Fłahštok» zaŭvažaje, što havorka idzie ab hučnym zdareńni, jakoje mieła miesca ŭ mai — zabojstvie vieterynarnaha lekara z Homiela Siarhieja Čambroviča. 9 maja na miažy z Ukrainaj jon rybačyŭ z pryjacielem. Pryjaciel paśpieŭ vyratavacca.
«Dakładnych padrabiaznaściaŭ zdareńnia nichto nie viedaje, — raskazvaŭ «NN» tady miascovy žychar. — Ale ŭ vioscy raskazvajuć nastupnaje: mužčyny rybačyli nie z łodki. Raka raźliłasia, zaliła łuhi. I hetyja dvoje nibyta prosta pajšli piechatoju pa łuhach, jakija pobač z Dniaprom, vady tam niedzie da pojasa.
I niechta streliŭ. Chto, što — ja nie viedaju, nam tut asabliva nichto ničoha nie raskazvaje, — kaža miascovy žychar. —
Ale, kažuć, adzin z rybakoŭ źbieh, zmoh pazvanić na pamiežnuju zastavu. Jon vielmi pierapałochaŭsia, navat spačatku nie zmoh ukazać miesca, dzie rybačyŭ.
Adrazu adreahavali pamiežniki, paśla milicyja tut była, AMAP.
Siłaviki spačatku nie viedali, jak tudy dabracca — mašynaj nie prajedzieš, vada staić. Paśla zdabyli łodku, zabrali cieła zahinułaha. Jaho i mužčynu, što vyžyŭ, pavieźli ŭ Kamaryn, na zastavu.
Spačatku kazali, što druhoha mužčynu paranili, ciapier, zdajecca, vyśvietliłasia, što jon usio ž nie paciarpieŭ».
Aficyjnaj infarmacyi publikavałasia mała. Naprykład, pisałasia, što milicyja pa fotarobacie šukaje padazravanych. Kryminalnaja sprava zaviedzienaja tolki ciapier. Inšyja abstaviny nie paviedamlajucca.
Fotarobaty padazravanych
Apublikavanaja infarmacyja praktyčna nie pralivaje śviatło na situacyju. Chto toj ukrainiec? Jon pryjechaŭ u Biełaruś da pačatku vajny, nielehalna pierajšoŭ miažu ci naohuł daŭno žyŭ u Biełarusi? Ci zatrymany hety čałaviek?
Pa rašeńni Dziaržaŭnaj pamiežnaj słužby Ukrainy, z kanca krasavika ŭ Čarnihaŭskaj vobłaści było zabaroniena znachodžańnie hramadzian u pryhraničnaj terytoryi. Sinchronna abmiežavańni byli pryniatyja i ź biełaruskaha boku.
«Stralali z ukrainskaha boku». Što kažuć u pamiežnaj vioscy, dzie zabili biełaruskaha rybaka
«Streł byŭ prosta ŭ hałavu». Novyja padrabiaznaści pra hibiel veterynara na miažy z Ukrainaj
