Voś niekalki varyjantaŭ:
Siadziba «Ružovy čmiel»
Utulny dom u lesie, raźličany na 4 haściej, znachodzicca pablizu vioski Łapki ŭ Staŭbcoŭskim rajonie Minskaj vobłaści. Heta za 86 kiłamietraŭ ad Minska — adna hadzina 12 chvilin na aŭtamabili pa navihatary. Zabraniravać siadzibu možna anłajn.
Idealnaje miesca dla adpačynku nievialikaj siamji! Tut usio zroblena dla vašaha kamfortu — i pry hetym bieražliva zachavana atmaśfiera biełaruskaj viaskovaj chaty. Dom składajecca z prastornaj spalni-haścinaj z kaminam i stałovaj zonaj, kuchni z sapraŭdnaj piečču, vannaha pakoja, piaredniaha pakoja i prastornaj terasy. Čym tut možna zaniacca zimoj? «Nazirać zornaje nieba, palić u piečcy i hrecca la kamina», — kaža abjava, i zdajecca, što heta vydatny płan!
Pad Novy hod siadziba zabraniravanaja, adnak vy jašče možacie paśpieć zaniać jaje na pravasłaŭnyja Kalady.
Šale ŭ Kałodziščach
Usiaho za 5 kiłamietraŭ ad stalicy znachodzicca ŭtulnaje šale z saŭnaj i kupiellu kala sasnovaha lesu sa svajoj aharodžanaj terytoryjaj. Jano hatova pryniać da 4 čałaviek. Jość łaźnia i kupiel na vulicy, jakija treba apłačvać dadatkova. A taksama zona barbiekiu z usimi pryładami — manhał, šampury, drovy i hetak dalej.
Šale dastupna dla anłajn-braniravańnia. 7 studzienia jašče adkryta dla broni!
Siadziba «Na cichim chutary»
Možna adpravicca ŭ viosku Višnievičy ŭ Vaŭkavyskim rajonie Hrodzienskaj vobłaści. Tam raźmieščana jašče adna aŭtentyčnaja biełaruskaja ahrasiadziba z ručnikami, piečču i inšymi prymietami sapraŭdnaha viaskovaha pobytu. I pry hetym — z usimi vyhodami i kamfortam, zvykłymi dla haradskoha žychara.
Što tut prapanujuć akramia ciapła i vyhodaŭ? «Kazku, stvoranuju ŭłasnymi rukami i rukami našych babul i dziadul», a jašče — «kotaterapiju»!
Siadzibu možna zabraniravać anłajn: na Novy hod jana ŭžo zaniataja, a voś na dvoje Kaladaŭ — volnaja.
Katedž niedaloka ad stancyi mietro «Maskoŭskaja»
Kali vy nie na mašynie ci ŭvohule nie nastrojeny na doŭhija pajezdki dziela viaskovaj adzinoty, to heta — vaš varyjant! Katedž znachodzicca ŭ rajonie pryvatnaj zabudovy niepadalok ad mietro «Maskoŭskaja» i HC Dana Mall.
Jon raźličany na 4 spalnyja miescy. Unutry dźvie asobnyja spalni, spalnia-haścioŭnia, choł i kuchnia-stałovaja, jakaja abstalavana ŭsioj nieabchodnaj bytavoj technikaj, posudam i stałovymi pryładami. Taksama hości mohuć skarystacca prastornym dvarom dla ramantyčnych viačorak, tam možna pasmažyć šašłyk na manhale.
Arandavać hety katedž možna anłajn. Pryčym jašče volnyja daty na Novy hod i pravasłaŭnyja Kalady.
Siadziba «U Taćciany na aziornaj»
Na bierazie Lepielskaha voziera, vychad da jakoha prosta z prysiadzibnaha ŭčastka, raźmieščana prastornaja siadziba, raźličanaja na 7 haściej. U haścinaj jość kamin, kala jakoha možna pahrecca zimovym viečaram. Taksama hości mohuć skarystacca łaźniaj.
Usiu hetuju pryhažość možna zabraniravać anłajn. Siadziba volnaja na pravasłaŭnyja Kalady.
