U 24 krainach — udzielnicach ES bolšaść hramadzian uchvalajuć padtrymku Ukrainy, pry hetym u piaci ź ich pakazčyk padtrymki pieravyšaje 90%. Pry hetym samy vysoki ŭzrovień u Šviecyi (97%), Finlandyi (95%), Niderłandach (93%), Partuhalii (92%) i Danii (92%).
Uzrovień padtrymki Ukrainy ŭ Litvie — 87%, Polščy — 85%, Łatvii — 80%, Estonii — 76%. U Vienhryi, ułady jakoj zaŭsiody zajmajuć asablivuju pazicyju pa sankcyjach suprać Rasii, hramadstva padtrymlivaje Ukrainu na 59%, i heta nie apošniaje miesca.
Tolki ŭ troch krainach uzrovień padtrymki Ukrainy nižejšy za 50%: u Słavakii (49%), Hrecyi (48%) i Bałharyi (48%).
«Za dziesiać miesiacaŭ vajny va Ukrainie padtrymka kankretnych mier, pryniatych ES, takich jak sankcyi suprać rasijskaha ŭrada abo finansavaja, vajennaja ci humanitarnaja padtrymka Ukrainie, praciahvaje zastavacca na ŭzroŭni 73%», — havorycca ŭ zajavie pa vynikach apytańnia.
Pry hetym kala dźviuch tracin (65%) hramadzian ES ličać, što z-za vajny i jaje nastupstvaŭ ich žyćcio źmienicca.
