Heta adbyłosia kala 03:30 nočy. U vyniku zdareńnia zahinuli 6 čałaviek, u tym liku dzicia.
Supracoŭniki MNS z vyšejšych pavierchaŭ vyratavali 12 čałaviek, ź ich 3 dziaciej. Bryhady chutkaj miedycynskaj dapamohi ahledzieli ich. Miedyki špitalizavali troch čałaviek z papiarednimi dyjahnazami: atručeńnie praduktami hareńnia, termainhalacyjnaja traŭma, apioki.
Na miescy pracuje śledča-apieratyŭnaja hrupa USK pa horadzie Minsku i Hałoŭnaha śledčaha ŭpraŭleńnia centralnaha aparata i pierasoŭnaja kryminalistyčnaja łabaratoryja. Apytvajuć žycharoŭ.
Spačatku ŭ paviedamleńni Śledčaha kamiteta havaryłasia ab tym, što pryčynaj zdareńnia staŭ vybuch hazu. Paźniej hetyja słovy źnikli.
Akramia viersii ab vybuchu hazu, razhladajecca viersija, što pryčynaj pažaru stała ŭspyška paroŭ lohkaŭzharalnaj vadkaści. Pra heta śviedčać znojdzienyja ŭ adnoj z kvater jomistaści, u jakich, mahčyma, zachoŭvałasia hetaja vadkaść.
Bulvar Šaŭčenki — heta rajon na paŭnočny zachad ad centra Minska, za Kamaroŭkaj i Staražoŭkaj, zabudavany pieravažna chruščoŭkami.
Hetaje zdareńnie adno z samych trahičnych u hetym rodzie za historyju Biełarusi.
