Fota Alaksandra Ziemlaničenki / AP
Pavodle jaho zaklučeńnia, dla taho, kab anieksavany Rasijaj Krym znoŭ staŭ ukrainskim, treba vykanać čatyry hałoŭnyja zadačy.
Pa-pieršaje, sajuźniki Ukrainy pavinny pierastać davać nieadnaznačnyja sihnały ab statusie Kryma. «Kamientary palitykaŭ i vojenačalnikaŭ ab tym, što Ukrainie budzie ciažka viarnuć Krym, treba supravadžać słovami «ale my padtrymlivajem viartańnie Ukrainie ŭsioj jaje terytoryi», — ličyć Rajan.
Pa-druhoje, zachodniaja industryja pavinna pavialičyć vytvorčaść bojeprypasaŭ dla Ukrainy i pieradać joj bolš nastupalnych uzbrajeńniaŭ. U tym liku nieabchodnaja braniatechnika (tanki, BMP), a taksama artyleryja i sistemy SPA.
Pa-treciaje, Ukraina pavinna zaviaršyć svaje nastupalnyja apieracyi pa viartańni pad kantrol usich paŭdniovych terytoryj. «Bai za vyzvaleńnie Chiersonskaj i Zaparožskaj abłaściej buduć ciažkimi, ale jany źjaŭlajucca nieabchodnaj umovaj dla luboj ukrainskaj kampanii ŭ Krymie», — piša Rajan. Jon dadaje, što heta adziny sposab dajści da Kryma pa sušy, i paŭdniovyja vobłaści buduć vielmi važnymi dla łahistyki, ahniavoj padtrymki artyleryi i bazavańnia samalotaŭ.
Pa-čaćviortaje, vielmi nieabchodna prajavić stratehičnaje ciarpieńnie. «Da taho, jak stanie mahčymaj krymskaja apieracyja, Ukrainie, mahčyma, spatrebicca ŭvieś 2023 hod, kab ustalavać kantrol nad svaimi paŭdniovymi terytoryjami, — ličyć hienierał. — Padčas hetaj vajny ŭrady i žychary Jeŭropy i ZŠA ŭžo prademanstravali ciarpieńnie — i heta ŭ značnaj stupieni ŭzrušyła Pucina».
Na dumku ekśpierta, kali ŭsie hetyja čatyry ŭmovy buduć vykananyja, Ukraina, prynamsi, apyniecca ŭ bolš vyhadnaj pazicyi, kab vieści pieramovy ab viartańni Kryma.
«Zrešty, Rasija moža vyrašyć, što adziny sposab abaranić Krym — heta prymianieńnie jadziernaj zbroi», — adznačaje Rajan. Ale, na jahonuju dumku, «na hetym etapie Pucin, mahčyma, zrazumieje, što dasiahnieńnie damoŭlenaści ab Krymskaj «śpiecyjalnaj zonie» budzie lepšym, čym kali Rasija stanie va ŭsim śviecie izhojem na cełaje pakaleńnie — ci navat daŭžej».
Adnak, jak padkreślivaje aŭstralijski hienierał, nichto nie pavinien razumieć, što Pucin kali-niebudź prajavić hatoŭnaść abmiarkoŭvać status Kryma.
