Jerry Heil apublikavała videa ŭ instahramie, na jakim vidać, što paśla razmovy z hledačami dziaŭčyna ŭpeŭniena kročyć pa scenie i hetak ža ŭpeŭniena robić krok prosta ŭ arkiestravuju jamu.
«Na videa bačna, jak upeŭniena ja idu ŭ pusteču, pamiataju, jak mnie zdavałasia, što ja baču tam padłohu. Dalej ničoha nie pamiataju», — pryznałasia śpiavačka.
Jana zapeŭniła, što ŭžo pryjšła ŭ siabie i pačuvajecca dobra.
«Pry takich umovach atrymać tolki strasieńnie i pierałom rabra — heta cud. Dla mianie heta dadatkovy znak, što treba pražyvać kožnuju chvilinku svajho žyćcia, — napisała jana. — Spadziajusia, heta stanie šturškom da novych piesień».
Prychilniki ŭ sacsietkach vykazvajuć padtrymku śpiavačcy.
Niekatoryja žartujuć, što mienavita tak ukraincy ŭpeŭniena stupili ŭ 2022 hod, jaki staŭ samym ciažkim za ŭvieś čas niezaležnaści Ukrainy.
Na apošnim adbory na Jeŭrabačańnie-2023 ad Ukrainy Jana Šamajeva zaniała treciaje miesca.
