U zajavie, raźmieščanaj na aficyjnym sajcie Minabarony Narviehii, skazana, što bojeprypasy ŭžo pakinuli terytoryju krainy.
Narviežskija vajskoŭcy dadajuć, što snarady mohuć vykarystoŭvacca dla niekalkich vidaŭ uzbrajeńniaŭ, u tym liku imi stralaje samachodnaja haŭbica M-109. Na hetym tydni časopis Forbes paviedamiŭ, što zachodnija krainy pastavili Ukrainie kala 50 takich haŭbic.
Ministr abarony Narviehii Bjorn Aryld Hram paviedamiŭ, što jaho kraina praciahnie zabiaśpiečvać USU zbrojaj.
«Ukraina maje patrebu ŭ terminovaj dapamozie, i tamu my praciahvajem vyvučać, što jašče moža być pradastaŭlena z zapasaŭ Uzbrojenych sił. My taksama vyvučajem, što možna atrymać niepasredna ad vytvorcy, kab dapamahčy jašče bolš», — skazaŭ Hram.
U liku inšaha Narviehija ŭžo pieradała Ukrainie 23 samachodnyja haŭbicy M-109, 160 rakiet «pavietra-ziamla» Hellfire, 3 reaktyŭnyja ŭstanoŭki załpavaha ahniu MLRS, 4 tysiačy procitankavych rakiet, bolš za 1750 broniekamizelek, 3 tysiačy achoŭnych masak i 15 tysiač naboraŭ suchoha pajka.
U aŭtorak prezident Ukrainy Uładzimir Zialenski pravioŭ telefonnuju razmovu z premjer-ministram Narviehii Haram Stere i padziakavaŭ jamu za padtrymku. Jon taksama zajaviŭ, što Narviehija pahadziłasia dapamahčy Kijevu z pastaŭkami hazu, nieabchodnaha dla zimovaha siezona.
