Paŭnočnakarejski bieśpiłotnik prabraŭsia ŭ biespalotnuju zonu pobač z ofisam prezidenta Paŭdniovaj Karei Jun Sok Jola, paviedamiła Yonhap sa spasyłkaj na vajskovaha čynoŭnika.
Pa danych ahienctva, u kancy śniežnia zapuščany KNDR dron nienadoŭha ŭvajšoŭ u biespalotnuju zonu radyusam 3,7 km, ustanoŭlenuju vakoł ofisa Jun Sok Jola ŭ Sieule.
26 śniežnia Pchieńjan zapuściŭ piać bieśpiłotnikaŭ, jakija pierasiekli demarkacyjnuju liniju. Adzin ź ich dalacieŭ da Sieuła. Paŭdniovakarejskim vajskoŭcam nie ŭdałosia źbić BPŁA. Dron nie zmoh nablizicca da klučavych abjektaŭ, zapeŭniŭ surazmoŭca.
Vajskoŭcy Paŭdniovaj Karei padniali ŭ pavietra źniščalniki i ŭdarnyja viertaloty, u tym liku šturmavik KA-1, ale jon paciarpieŭ krušeńnie ŭ paŭnočna-ŭschodnim rehijonie krainy, u akruzie Chonsan.
Paŭdniovakarejskaja avijacyja streliła bolš za sto razoŭ, kab źbić bieśpiłotniki, ale biespaśpiachova. Paźniej BPŁA źnikli z zony vyjaŭleńnia. Vajskoŭcy paprasili prabačeńnia za niaŭdaču.