«Bachmut — heta centralny punkt Uschodniaha frontu i surjozny łahistyčny centr, — daŭ adkaz praz svoj telehram-kanał Pryhožyn. — Fiška Bachmuta ŭ jaho ŭnikalnych histaryčnych i hieahrafičnych abaronnych mahčymaściach, da jakich adnosicca, pieršaje, padzieł horada na niekalki častak vodnymi pieraškodami. Druhoje, navakolli Bachmuta — kompleks nasielenych punktaŭ, jakija stvarajuć adzinuju sistemu abarony. Treciaje, heta ŭnikalny łandšaft — jary i vyšyni — jakija zjaŭlajucca pryrodnymi tunelami».
Pavodle Pryhožyna, «višańka na torcie — sistema Saledarskich i Bachmuckich šacht, faktyčna sietka padziemnych haradoŭ». Jon śćviardžaje, što tam znachodzicca nie tolki vialikaja kolkaść ludziej na hłybini 80-100 mietraŭ, ale i pieramiaščajucca tanki i BMP, a zapasy ŭzbrajeńnia zachoŭvajucca jašče ź Pieršaj suśvietnaj vajny. Takaja infarmacyja ŭ publičnaj prastory zjaŭlajecca ŭpieršyniu.
Złučanyja Štaty ž ličać, što Pryhožyn «zacikaŭleny ŭ atrymańni kantrolu nad sollu i hipsam z šacht pablizu horada Bachmuta, jaki ŭtrymlivajecca Ukrainaj». I «apantanaściu» Rasii i Pryhožyna Bachmutam kirujuć finansavyja matyvy.
