Fota ilustracyjnaje
Ci možna siońnia niešta zrabić dla padtrymki vydańnia knih na biełaruskaj movie i raspaŭsiudžvańnia ź ich dapamohaj nacyjanalnaj kultury?
Dla adkazu na hetaje pytańnie zaprašajuć usich tych, chto apiakujecca losam nacyjanalnaha knihadruku i choča dapamahčy zrabić biełaruskaje słova i kulturu bolš zaŭvažnymi ŭ śviecie, dałučycca da kanfierencyi «Instytut biełaruskaj knihi: mary ab budučyni», jakaja adbudziecca 21 studzienia ŭ Varšavie.
Na joj buduć razhledžanyja nastupnyja pytańni
— Jakija sistemnyja kroki treba zrabić, kab dapamahčy vydavać knihi pa-biełarusku?
— Jak papularyzavać čytańnie knih i pierakładaŭ na biełaruskuju siarod samich biełarusaŭ?
— Što zrabić dla padvyšeńnia zaŭvažnaści i prestyžnaści biełaruskich knih i aŭtaraŭ na mižnarodnym uzroŭni?
— Jakim pavinien stać tvar biełaruskaha knižnaha rynku ŭ bližejšyja časy?
U pošukach adkazaŭ na hetyja i inšyja pytańni arhanizatary prapanujuć dałučacca da kanfierencyi, što moža stać ustanoŭčym schodam pa stvareńni hramadskaj inicyjatyvy Instytuta biełaruskaj knihi. Kanfierencyja adbudziecca ŭ hibrydnym farmacie. Zajaŭku na ŭdzieł u kanfierencyi ŭ jakaści vystupoŭcy, arhanizatara dyskusii ci kruhłaha stała abo zacikaŭlenaha naziralnika možna padać praz rehistracyjnuju formu.
Svaje pytańni i rekamiendacyi pa praviadzieńni kanfierencyi, kali łaska, dasyłajcie na poštu: [email protected]
Kanfierencyja «Instytut biełaruskaj knihi: mary ab budučyni» projdzie pry padtrymcy pradstaŭnictva pa nacyjanalnym adradžeńni Abjadnanaha pierachodnaha kabinieta, a taksama ŭ infarmacyjnym partniorstvie ź Biełaruskim PEN-centram, hramadskaj kampanijaj «Budźma», płatformaj «Inbiełkult 2.0».
