Jaŭhien Pryhožyn padčas viarboŭki źniavolenych u adnoj z rasijskich kałonij
Pa słovach Mierkačovaj, źniavolenych vyzvalali da taho, jak vyvieźci z kałonij, u ramkach pracedury pamiłavańnia Pucinym. Hetaja pracedura była dziaržaŭnaj tajnaj, piša ahienctva sa spasyłkaj na pravaabaroncu.
«U mianie niama ŭkazaŭ samich, ale ja razmaŭlała ź blizkimi hetych ludziej, jakija byli pieršymi vyzvalenyja. Jany ŭsie zapeŭnivajuć, što na rukach u ich dakumienty, padpisanyja… pačatkam lipienia — 5 lipienia. I vyvieźli adpaviedna ŭ hety ž dzień ci na nastupny… Adpaviedna hetych ludziej vyzvalili jašče piataha čysła, ja ciapier kažu, u pieršuju čarhu, pra pieršuju hrupu vyzvalenych», — zajaviła Mierkačova.
U toj ža čas uładalnik PVK «Vahnier» Jaŭhien Pryhožyn padčas viarboŭki źniavolenych kazaŭ, što ich vyzvalać i pamiłujuć paśla paŭhoda ŭdziełu ŭ vajnie.
