Aleś Bialacki i Valancin Stefanovič padčas suda

Aleś Bialacki i Valancin Stefanovič padčas suda

Čaćviortaje sudovaje pasiadžeńnie: pakazańni zasakrečanych śviedak, chvoryja pravaabaroncy ŭ kajdankach

11 studzienia sud praciahnuŭ znajomicca z pakazańniami śviedak. Ale nivodzin ź ich nie byŭ dapytany asabista pa roznych pryčynach — u asnoŭnym tamu, što znachodziacca za miažoj. Na sudzie začytali ich pakazańni, dadzienyja padčas śledstva. Siarod ich, naprykład, pakazańni mahiloŭskaha pravaabaroncy Barysa Buchiela.

Akramia hetaha, sudździa znajomiłasia z pratakołami dopytu dvuch śviedak sa źmienienymi proźviščami. Ale sudździa Maryna Zapaśnik nie začytvała hetyja pakazańni ŭhołas «u metach biaśpieki» hetych zasakrečanych śviedak.

Troch pravaabaroncaŭ praciahvajuć utrymlivać na sudzie ŭ kletcy ŭ kajdankach, niehledziačy na ich chadajnictvy na papiarednich pasiadžeńniach źniać ich. Uładź Łabkovič, jakomu za dzień da taho vyklikali «chutkuju» na sud, praciahvaje chvareć. Zachvareŭ taksama i Aleś Bialacki.

Piataje sudovaje pasiadžeńnie: dopyt mytnikaŭ i ličby sa stoli

I 12 studzienia na hetym sudzie praciahvali dapytvać śviedak i začytvać ich pakazańni. Na pieršym pasiadžeńni Aleś Bialacki zajaviŭ, što pa spravie ŭsiaho prachodziać kala 100 śviedak i było praviedziena 120 pieratrusaŭ pa ŭsioj krainie.

Maryna Zapaśnik usio ž taki ahučyła pakazańni zasakrečanych śviedak, adnoj ź jakich źjaŭlajecca Karpovič. Valancin Stefanovič na pieršym pasiadžeńni nastojvaŭ, što heta prapahandystka «SB» Alena Krasoŭskaja i prasiŭ vydalić jaje z zali suda. Sudździa nie zadavoliła chadajnictva pravaabaroncy, bo nibyta heta tolki jaho zdahadki. U «metach biaśpieki» proźviščy dvuch śviedak u materyjałach spravy byli źmienienyja.

Taksama 12 studzienia dapytali supracoŭnikaŭ mytnaj słužby. Śpiecyjalist Mytnaha kamiteta na sudzie zajaviŭ, što nibyta z 2011 pa 2021 hod u intaresach PC «Viasna» ŭ Biełaruś było ŭvieziena dva miljony dalaraŭ. Kryminalnaja adkaznaść za ŭvoz najaŭnych hrošaj u bujnym pamiery biez dekłaravańnia była ŭviedzienaja ŭ Biełarusi tolki ŭ 2016 hodzie, tamu ŭ kryminalnaj spravie fihuruje suma kala 250 tysiač dalaraŭ za hety pieryjad. Z pakazańniaŭ mytnikaŭ stała zrazumieła, što hetyja sumy im byli pradyktavanyja inšymi strukturami. Nieviadoma, adkul uzialisia takija ličby i jak abvinavačvańnie budzie paćviardžać ich.

Šostaje sudovaje pasiadžeńnie pryznačana na 13 studzienia na 10:30.

Čytajcie taksama:

Treci dzień suda pa «spravie «Viasny»: pravaabaroncy znoŭ prosiać źniać ź ich kajdanki 

Na sudzie pa «spravie «Viasny» zatrymali rasijskuju pravaabaroncu

Kaśpiarovič, Karpovič… Chto takaja prapahandystka Alena Krasoŭskaja, jakaja śviedčyła suprać viasnoŭcaŭ

Prapahandystka Krasoŭskaja — śviedka abvinavačvańnia suprać viasnoŭcaŭ pad źmienienym proźviščam? A pryjšła na sud pad svaim

Pačaŭsia sud nad «Viasnoj»: pieršyja za paŭtara hoda FOTA i VIDEA Bialackaha i kaleh. Jany patrabujuć, kab sud išoŭ pa-biełarusku

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?