Dakumient źjaviŭsia ŭ śniežni 2022 hoda, padpisany dyrektaram kampanii Juryjem Šyrakanavym. Supracoŭniki musili aznajomicca z zahadam pad podpis u ofisie kampanii.
Zhodna z dakumientam, u EffectiveSoft zabaroniena:
— prynosić «drukavanuju pradukcyju i materyjały z atrybutykaj ekstremisckaj nakiravanaści»;
— ładzić rekłamnyja akcyi, prezientacyi, sacapytańni dy «inšyja schody, jakija nie adnosiacca da vytvorčaj dziejnaści»;
— vieści «razmovy, jakija spryjajuć raspalvańniu sacyjalnaj varožaści ŭ biełaruskim hramadstvie»;
— udzielničać «u ekstremisckaj dziejnaści, u tym liku šlacham padtrymki ekstremisckich farmavańniaŭ u sietcy internet, finansavańnia takoj dziejnaści i lubym inšym sposabam».
Pavodle słoŭ supracoŭnikaŭ EffectiveSoft, kiraŭnictva nie kamientavała pryčyny źjaŭleńnia zahada.
— U rassyłcy było skazana, što kampanija «padtrymlivaje karparatyŭny kurs ab niedapuščeńni ŭdziełu pracaŭnikoŭ u radykalizavanych i destruktyŭnych palityčnych pracesach, što ŭ pryjarytecie stabilnaja finansava-haspadarčaja dziejnaść i raźvićcio biznesu ŭ ramkach zakanadaŭstva Biełarusi». Paśla hetaha tolki prośba pryjści i padpisać, — raskazaŭ adzin z surazmoŭcaŭ.
Žurnalisty pacikavilisia, što dumajuć u EffectiveSoft z nahody zahada.
— «Mahčyma, dakumient źjaviŭsia ŭ suviazi z vypadkami «źlivu» ludziej, jakija pišuć niešta pra ŭładu ŭ čatach kampanij. Mabyć, sprabujuć takim čynam abaranicca ad niepryjemnaściej».
— «U majoj kamandzie nichto pry mnie temu nie abmiarkoŭvaŭ. Dumaju, usie syšlisia na tym, što heta zvyčajnaja sproba kampanii pazbavicca ad patencyjalnych pytańniaŭ da jurydyčnaj asoby na vypadak, kali raptam u dziaržorhanaŭ źjaviacca pytańni da jakoha-niebudź supracoŭnika. Miarkuju, što ŭ takich situacyjach mohuć pravieryć miesca pracy, a tut jość dakumient. Maŭlaŭ, supracoŭnik byŭ prainfarmavany nami zahadzia, i my ni pry čym. Ja asabista staŭlusia da hetaha jak da niečaha naležnaha, što na pracoŭnych pracesach i nastroi kamandy nijak nie adabjecca».
— «Ja jašče paśmiajaŭsia sa słova «zahadvaju». Chaciełasia dadać «a čaho nie «povielevaješ»? Nu, usie prosta moŭčki pračytali. A što tut kazać?) U taki čas žyviom. Kali ščyra, u mianie heta nie vyklikaje nijakich pačućciaŭ. Zrazumieła, što hety zahad zrobleny dla taho, kab zaścierahčy kampaniju ad niejkich «represij». Kab, kali niejki supracoŭnik z karparatyŭnaha WiFi zadanaciŭ umoŭnym USU, pytali nie z kampanii, a z supracoŭnika».
***
EffectiveSoft zasnavanaja ŭ 2000 hodzie. Kampanija śpiecyjalizujecca na raspracoŭcy prahramnaha zabieśpiačeńnia dla śpiektra halin, uklučna sa śfieraj finansavych technałohij, miedycynaj i trejdynham. U Biełarusi, pavodle danych profilu kampanii na dev.by, pracuje kala 300 supracoŭnikaŭ.
Dažie biez prikaza v kollektivie iz diesiati čiełoviek najdiotsia troje, kotoryje v hubopik sdadut.