Fota: yalepeabodymuseum / Instagram
22 kastryčnika Bobi, žycharka štata Ńju-Džersi, vyjšła na vulicu z samarobnym repielentam z vady, srodka dla myćcia posudu i jabłyčnaha vocatu. Hety recept jana znajšła ŭ tyktoku. Dziaŭčynka pačała apyrskvać abjekty ŭ svaim rajonie, kab źbirać u płastykavuju butelku nasiakomych-lichtarnic — istot, što mohuć paškodzić drevy i źniščyć uradžaj, piša VVS.
U minułym hodzie amierykanskija vučonyja i čynoŭniki raili ludziam zabivać lichtarnic, dzie b jany ni byli, a taksama źniščać ich jajki. Ale susiedu Bobi jaje pavodziny padalisia padazronymi, i jon pazvaniŭ u palicyju.
Jon raskazaŭ pravaachoŭnikam pra «maleńkuju čornuju žančynu, jakaja idzie i raspyrskvaje ŭsiakaje na tratuary i drevy». Mama dziaŭčynki acharaktaryzavała hetuju skarhu jak prykład dyskryminacyi jaje dački pa kolery skury (Bobi — afraamierykanka) i skazała, što jaje dačce paškodziła takaja ŭvaha z boku palicyi. Tak ci inakš, incydent z Bobi trapiŭ u zahałoŭki haziet, i Jelski ŭniviersitet vyrašyŭ padtrymać dziaŭčynku. Bobi achviaravała ŭniviersiteckamu muzieju Pibadzi 27 plamistych lichtarnic sa svajoj ułasnaj kalekcyi, a ŭniviersitet adkazaŭ na heta cyrymonijaj u honar dziaŭčynki i jaje ŭniosku ŭ fond muzieja.
Idžeoma Apara, daśledčyca ź Jelskaj škoły hramadskaj achovy zdaroŭja, acharaktaryzavała heta tak: «Jelski ŭniviersitet zvyčajna nie robić ničoha takoha, heta niešta ŭnikalnaje dla Bobi. My chacieli pakazać jaje advahu i toje, nakolki jana natchniaje. My prosta chočam upeŭnicca, što jana praciahvaje adčuvać siabie pavažanaj i lubimaj supolnaściu Jelskaha ŭniviersiteta».
Hetyja čatyry pryłady pažyrajuć enierhiju. Nie zabyvajcie adklučać ich
«Nie viedaješ — nie biary, pieršaje praviła traŭnika». Jakaja na smak biełaruskaja harbata?
Microsoft pakazaŭ novy pošukavik. Choča źmianić naša ŭjaŭleńnie pra internet
a srodki dla myćcia posudu, vocat nie škodziać drevam, nie?