Dniom 15 lutaha ŭ Kijevie abviaścili pavietranuju tryvohu. Paśla hetaha Kijeŭskaja vajennaja administracyja papiaredziła žycharoŭ, što ŭ niebie nad horadam vyjaŭlena varožaja pavietranaja cel, u suviazi z čym mahčyma praca SPA i avijacyi.
Śpikier pavietranych sił Ukrainy Juryj Ihnat udakładniŭ u efiry nacyjanalnaha telemarafonu, što havorka idzie ab pavietranych šarach z vuhłavymi adbivalnikami. Jak rastłumačyŭ Ihnat, hetyja šary nie pahražajuć ludziam, ale, kali ich źbivajuć, na ziamlu mohuć padać abłomki. Užyvańnie hetych šaroŭ Ihnat nazvaŭ «dziedaŭskim mietadam».
Sa słoŭ Ihnata, palot takich šaroŭ zaležyć ad vietru, naprykład, napiaredadni praź viecier u paŭdniovym kirunku adzin šar zalacieŭ u Małdovu.
Pra źjaŭleńnie takich šaroŭ u pavietranaj prastory Ukrainy Ihnat upieršyniu paviedamiŭ napiaredadni. Jon vykazaŭ zdahadku, što hetyja latajučyja abjekty vykarystoŭvajucca dla praviadzieńnia raźviedki i adciahnieńnia ŭvahi SPA, a radyjołakacyjnyja adbivalniki na ich słužać dla pavieličeńnia prykmietnaści.
