Fota: Alexandr Demyanchuk, Pool Sputnik Kremlin, AP
Staršynia KNR Si Czińpin płanuje pravieści aficyjnuju sustreču z Uładzimiram Pucinym. Pra heta paviedamiła vydańnie The Wall Street Journal sa spasyłkaj na krynicy, znajomyja z abmierkavańniami hetaha płana.
Pavodle atrymanych źviestak, raspracoŭka budučaha vizitu znachodzicca tolki na rańniaj stadyi i jašče nie maje kančatkova vyznačanych terminaŭ, adnak heta moža adbycca ŭžo ŭ najbližejšyja miesiacy.
«Čakajecca, što kitajski lidar spačatku zavieršyć svaje ŭnutrydziaržaŭnyja mierapryjemstvy, a ŭžo potym u krasaviku ci ŭ pačatku maja naviedaje Rasiju i, mahčyma, inšyja jeŭrapiejskija krainy», — paviedamlajuć krynicy vydańnia.
Na ich dumku, hety vizit stanie častkaj kitajskaj palityki pa inicyjavańni pieramoŭ ab zakančeńni vajny va Ukrainie i nieprymianieńni jadziernaj zbroi, što dapamoža ŭmacavać rolu Kitaja ŭ jakaści hłabalnaha miratvorca i razradzić adnosiny z Zachadam. Pry hetym Piekin nie choča mocna cisnuć na Maskvu.
Pa infarmacyi krynic, dziaržaŭny savietnik KNR Van I, jaki ciapier znachodzicca ŭ Rasii, pryjechaŭ tudy mienavita dla prapracoŭki hleby budučaj sustrečy Si Czińpina z Pucinym razam z abmierkavańniem budučych mirnych pieramoŭ pa vajnie va Ukrainie.
Charakterna, što mienavita padčas vizitu hałoŭnaha kitajskaha dypłamata Uładzimir Pucin abviaściŭ ab namiery vyjści z Damovy ab stratehičnych nastupalnych uzbrajeńniach.
Taksama nahadajem, što niadaŭna Van I raspavioŭ pra kitajskuju viersiju mirnaha płana pa zakančeńni vajny va Ukrainie, jakaja ŭklučaje punkt ab nieparušnaści miežaŭ, ale nie prapisvaje, jak zrabić, kab rasijskaja armija viarnułasia na miežy 1991 hoda. Pry hetym sama Ukraina prapanavała svaju ŭłasnuju «formułu miru».
Čytajcie jašče:
«Svabodnyja ludzi nikoli nie pahodziacca žyć u ciemry i niesvabodzie». Pra što havaryŭ Bajden u Varšavie
Bajden niespadzieŭki pryjechaŭ u Kijeŭ
Pakul Rasija zachoplivaje ziemli, handal pamiž Kitajem i ZŠA bje ŭsie rekordy
