facebook.com/GeneralStaff.ua
Analityki instytuta ličać, što ŭkrainskija siły, mahčyma, adychodziać sa svaich pazicyj na ŭschodnim bierazie raki Bachmutka, uličvajučy niadaŭnija hieałakacyjnyja kadry razbureńnia čyhunačnaha mosta praz raku na paŭnočnym uschodzie Bachmuta.
U ISW adznačyli, što videazapisy pakazali, što siły PVK «Vahnier» praciahvali prasoŭvacca ŭ paŭnočna-ŭschodniaj častcy Bachmuta i 5 sakavika rušyli napierad u rajonie čyhunačnaj stancyi Stupki.
«Ukrainski vajskoviec paviedamiŭ, što pa stanie na 4 sakavika rasijskija vojski jašče nie pierasiekli raku Bachmutku ŭ centralnaj častcy Bachmuta, a rasijskija błohiery śćviardžali, što «Vahnier» adcisnuŭ ukrainskija pazicyi da centralnaj častki Bachmuta. Pakul niezrazumieła, ci płanujuć ukrainskija vojski ŭtrymlivać pazicyi na zachodnim bierazie raki Bachmutka», — havorycca ŭ spravazdačy instytuta.
ISW pierakanany, što ŭkrainskaja abarona Bachmuta zastajecca stratehična abhruntavanaj, bo jana «praciahvaje pahłynać rasijskuju žyvuju siłu i techniku, tady jak ukrainskija vojski nie niasuć praźmiernych strat».
Haradskija bai ŭ Bachmucie, pa mierkavańni analitykaŭ, mohuć jašče bolš źniasilić i biez taho źniasilenyja rasijskija źmiešanyja siły, jak heta adbyłosia paśla adychodu ŭkrainskich vojskaŭ ź linii Sievieradanieck-Lisičansk, što faktyčna pakłała kaniec rasijskim nastupalnym apieracyjam u Łuhanskaj i Danieckaj abłaściach letam 2022 hoda».
