Zasnavalnik karparacyi Microsoft Bił Hiejts. Fota: The Lowy Institute
Multymiljarder, fiłantrop i adzin z zasnavalnikaŭ karparacyi Microsoft Bił Hiejts padzialiŭsia svaimi pradkazańniami pra budučyniu štučnaha intelektu i śfiery jaho dalejšaha prymianieńnia.
Pra heta miljarder napisaŭ u svaim błohu jašče ŭ kancy sakavika.
U im Bił Hiejts uspaminaŭ, jak pačynałasia jaho supracoŭnictva z kampanijaj OpenAI, jakaja stvaryła suśvietna viadomuju niejrasietku ChatGPT. Pavodle jaho słoŭ, ChatGPT raźviŭsia zanadta chutka, čaho jon zusim nie čakaŭ.
«Ja pačaŭ supracoŭničać z kamandaj Open AI jašče ŭ 2016 hodzie i byŭ tady vielmi ŭražany ich ustojlivym prahresam. U siaredzinie 2022 hoda ja byŭ tak uschvalavany ich pracaj, što pastaviŭ pierad imi zadaču: navučyć štučny intelekt zdavać ekzamien pa bijałohii Advanced Placement.
Ja abraŭ hety test, tamu što jon patrabuje krytyčnaha myśleńnia, a nie prostaha žanhlavańnia navukovymi faktami. Jaho paśpiachovaje vykanańnie było b sapraŭdnym praryvam.
Ja dumaŭ, što hetaja zadača zojmie kamandu OpenAI na 2—3 hady, ale jany spravilisia ŭsiaho za niekalki miesiacaŭ. ChatGPT adkazaŭ pravilna na 59 z 60 testavych pytańniaŭ, napisaŭ vydatnyja adkazy na šeść adkrytych pytańniaŭ i atrymaŭ za ŭsio maksimalna mahčymy bał — piaciorku»,— napisaŭ Bił Hiejts.
Niejrasietka ChatGPT
Fiłantrop pryznaŭsia, što mienavita hetaja historyja našturchnuła jaho na dumki ab budučych pierśpiektyvach ŠI, jakija jon i zapisaŭ u błohu. Hetyja pradkazańni achoplivajuć pieryjad nastupnych 5—10 hadoŭ i datyčać śfier prymianieńnia štučnaha intelektu.
Nižej my pryvodzim asnoŭnaje z hetych dumak.
Miedycyna
- U achovie zdaroŭja ŠI dapamoža lekaram i voźmie na siabie ŭsiu papiarovuju pracu: zapaŭnieńnie błankaŭ i natatak, składańnie dakumientacyi, strachovak, raskładaŭ i h.d.
- Dla zvyčajnych pacyjentaŭ štučny intelekt zmoža pa mnohich bazavych momantach zamianić śpiecyjalistaŭ. Havorka idzie pra pieršasnuju kansultacyju, dapamohu ŭ afarmleńni strachoŭki, karysnyja parady, dystancyjnaje vyznačeńnie dyjahnazu i inš.
- Niejrasietki taksama buduć zdolnyja prahnazavać pabočnyja efiekty ad miedpreparataŭ i dapamahać z rańnim dyjahnastavańniem surjoznych zachvorvańniaŭ (rak, chvaroba Alchiejmiera, raśsiejany skleroz i mnohaje inšaje).
Adukacyja
- Niahledziačy na aściarohi mnohich nastaŭnikaŭ i vykładčykaŭ z-za vykarystańnia ŠI (i asabliva ChatGPT) dla śpisvańnia na ispytach i chutkaha stvareńnia ese, niejrasietki zmohuć zrabić toje, čaho nie zmahli zrabić u svoj čas piersanalnyja kampjutary.
- ŠI ŭ najbližejšyja 5—10 hadoŭ budzie viedać vašy intaresy, styl navučańnia i ŭzrovień uciahnutaści, kab pravilna adaptavać piersanalna pad vas usiu adukacyjnuju prahramu. Jon vymieraje ŭzrovień vašaha razumieńnia, zaŭvažyć stratu vašaj cikavaści i praanalizuje vašu matyvacyju, dajučy nieadkładnuju zvarotnuju suviaź.
- U adroźnieńnie ad piersanalnych kampjutaraŭ, štučny intelekt zmoža značna pašyryć mahčymaści jakasnaj adukacyi dla biednych płastoŭ nasielnictva płaniety z-za svajoj tannaści i vysokaj chutkaści pracy.
Cielskaja haspadarka
- ŠI moža dapamahčy atrymać bolš jakasnaje nasieńnie ŭ zaležnaści ad miascovych umoŭ, a taksama paraić fiermieram lepšaje nasieńnie dla pasadki ŭ zaležnaści ad hleby i nadvorja ŭ ich rehijonie.
- Niejrasietki buduć adyhryvać važnuju rolu pry raspracoŭcy lekaŭ i vakcyn dla žyvioł i raślin.
«Prahres u raźvićci ŠI dazvolić stvaryć univiersalnaha piersanalnaha pamočnika, jaki budzie zamiest vas zajmacca bytavymi spravami (adkazy na elektronnyja listy, zapaŭnieńnie padatkovych dekłaracyj, viadzieńnie buchhałtarskaha ŭliku, sačeńnie i aptymizacyja raskładu dnia i mnohaje-mnohaje inšaje)», — adznačaje Bił Hiejts.
Pry hetym miljarder pryznaje, što isnuje ryzyka vychadu ŠI z-pad kantrolu čałavieka albo vykarystańnia jaho ŭ drennych metach złamyśnikami i ŭradami niekatorych krain.
Adnak jon zapeŭnivaje, što pra padobnaje kazać jašče vielmi rana, bo «epocha ŠI tolki pačynajecca» i pakul što nivodny navukovy praryŭ nie pryvioŭ da stvareńnia pa-sapraŭdnamu mocnaha štučnaha intelektu, jaki budzie zdolny ŭśviadomić siabie i sfarmiravać ułasnyja niezaležnyja mety.
Čytajcie taksama:
Źjaviŭsia štučny intelekt, jaki ŭmomant uzłomvaje paroli
Fienomien Midjourney: čamu hetaja niejrasietka stała miehapapularnaj i jak joj karystacca?
Skłali dla vas vialiki TOP karysnych niejrasietak na ŭsie vypadki žyćcia
