Heta adzin z elemientaŭ padtrymki ličbavaj transfarmacyi.
«My chočam, kab vučań braŭ z polskaj škoły nie tolki viedy, ale i vieru ŭ toje, što maje roŭnyja šancy na start u žyćci. Pryjšoŭ čas narešcie ŭvieści polskija škoły ŭ XXI stahodździe i vyvieści adukacyju na maksimalna vysoki ŭzrovień», — skazaŭ Matevuš Maraviecki.
Ministr ličbavych technałohij Januš Ciašyński patłumačyŭ, čamu techniku atrymajuć vučni čaćviortych kłasaŭ, a nie pieršych ci druhich.
Pa słovach ministra, vučni ŭ čaćviortym kłasie ŭžo ŭmiejuć dobra čytać i pisać, tamu im budzie lahčej navučycca karystacca noŭtbukam. Jon padkreśliŭ, što školniki atrymajuć ułasnyja noŭtbuki, kab jany vučylisia taksama adkaznaści za davieranuju im techniku. Vučań pavinien razumieć, što hetaje abstalavańnie zastajecca ź im na nastupnyja hady navučańnia, jaho možna vykarystoŭvać jak u škole, tak i doma.
Ciašyński spadziajecca, što pastupić šmat prapanoŭ ad kampanij, jakija zachočuć udzielničać u konkursie na zabieśpiačeńnie vučniaŭ noŭtbukami. Zajaŭki na tendar buduć adkrytyja na nastupnym tydni.
Zhodna z płanami ŭrada, noŭtbuki dla ŭsich vučniaŭ čaćviortych kłasaŭ pavinny być adnolkavyja. Ich zakup budzie adnym z samych bujnych tendaraŭ u historyi polskaj adukacyjnaj sistemy.
«My chočam, kab hetaje abstalavańnie było adnolkavym, bo škoła pavinna być škołaj roŭnych mahčymaściaŭ. Nie pavinna być tak, što tyja, u kaho bolš zamožnyja baćki, mohuć nabyć lepšuju techniku, a inšyja albo ŭvohule nie majuć kampjutara, albo majuć horšuju madel», — adznačyŭ Januš Ciašyński.
Na dumku ekśpiertaŭ, słabym miescam usioj apieracyi zjaŭlajecca prahramnaje zabieśpiačeńnie noŭtbukaŭ. Jak pryznaŭ Januš Ciašyński, kampjutary nie zamieniać dzieciam ni padručnikaŭ, ni sšytkaŭ. U zakuplenych noŭtbukach nie budzie navučalnych prahram, jakija mahli b zamianiać padručniki. Takim čynam, heta budzie jašče adzin dadatkovy kiłahram u školnym zaplečniku. A ŭžo ciapier lekary pastajanna nahadvajuć, što zaplečniki vučniaŭ važać vielmi šmat.
Čytajcie taksama:
Rehistracyja na CE pačałasia 1 krasavika. Ispyty projduć u mai
Repietycyjny centralizavany ekzamien: što treba viedać 11-kłaśnikam i ich baćkam
Pryznačany daty centralizavanaha teściravańnia ŭ 2023 hodzie
