Departamient vykanańnia pakarańniaŭ (DVP) MUS pry padtrymcy radyjo «Piłot FM» i BRSM rychtuje da vypusku albom aŭtarskaj pieśni asudžanych.
Pra heta paviedamiŭ žurnalistam 10 listapada ŭ Homielskaj žanočaj papraŭčaj kałonii № 4 namieśnik načalnika ŭpraŭleńnia arhanizacyi papraŭčaha pracesu i kadravaha zabieśpiačeńnia DVP MUS Andrej Traćciakoŭ.
Pavodle jaho słoŭ, dla dałučeńnia asudžanych da tvorčaj dziejnaści było pryniata rašeńnie pravieści konkurs aŭtarskaj pieśni siarod asudžanych. «Vybrany konkursnyja raboty siarod asudžanych dla padrychtoŭki albomu dla tyražavańnia.
Hety albom płanujecca nakiravać u papraŭčyja kałonii, dapamahčy asudžanym znajści sens žyćcia praz tvorčaje samavyjaŭleńnie», — adznačyŭ Traćciakoŭ.
10 listapada konkurs aŭtarskaj pieśni prajšoŭ u homielskaj žanočaj kałonii. Pierad žury vystupili dzieviać kankursantak ź pieśniami pra mamu, kachańnie i złamany los. Pavodle słoŭ Traćciakova, usiaho ŭ albom uvojdzie 16 piesień, dzieviać užo zapisany i apracavany. Zajaŭki na konkurs i zapis albomu padali ŭsie papraŭčyja ustanovy Biełarusi.
Niekatoryja pieśni z albomu prahučać pa radyjo, pieramožcy konkursu atrymajuć dypłomy.
U svabodny prodaž jon nie pastupić, a budzie raspaŭsiudžany siarod ustanoŭ sistemy DVP i praz BRSM.
Mierkavany tyraž — 200 ekzemplaraŭ.
