Skrynšot z YouTube-kanała MITCSAIL
Jašče ŭ 2021 hodzie daśledčyki z Masačusieckaha technałahičnaha instytuta (MIT) raspracavali typ niejronnaj sietki, natchniony adaptyŭnaściu arhaničnaha mozhu. Hetyja hnutkija ałharytmy, jakija navukoŭcy nazvali «vadkimi» sietkami, majuć zdolnaść pastajanna adaptavacca da novych uvodnych danych: to-bok zdolnyja vučycca i adaptavacca da novaj infarmacyi prosta padčas pracy, a nie tolki na etapie pačatkovaha navučańnia. Inšymi słovami, jany mohuć «dumać» na chadu.
Unikalnyja zdolnaści ŭ pryniaćci rašeńniaŭ va ŭmovach źmienlivych danych robiać vadkija sietki idealnymi dla vykarystańnia ŭ zadačach, jakija zaležać ad času, takich jak, naprykład, manitorynh kardyjastymulatara, prahnoz nadvorja, prahnoz inviestycyj abo aŭtanomnaja navihacyja traspartnych srodkaŭ i inšych miechanizmaŭ.
Pavodziny bolšaści sučasnych niejronavych sietak fiksujucca paśla fazy navučańnia, i heta aznačaje, što jany drenna prystasoŭvajucca da źmien va ŭvachodnym patoku danych. Ałharytmy raspaznajuć šabłony šlacham analizu naboru «navučalnych» prykładaŭ — tamu časta pravodzicca paralel ź imitacyjaj šlachoŭ apracoŭki danych u mozhu.
Stvaralniki vadkaj sietki čerpali natchnieńnie niepasredna ŭ pryrodzie, vyvučajučy pavodziny mikraskapičnaj niematody C. elegans. Hety malusieńki arhanizm daŭžynioj u 1 mm maje ŭ niervovaj sistemie ŭsiaho 302 niejrony, ale moža hienieravać niečakana składanuju dynamiku.
Ciapier navukoŭcy ekśpierymientavali z navučańniem sistemy na asnovie danych, uziatych ad piłota-čałavieka. Ekśpierymienty pakazali, što bieśpiłotnik možna efiektyŭna navučyć vyznačeńniu miescaznachodžańnia abjekta ŭ lesie letam, a zatym užyvać hetuju madel uzimku i ŭ vielmi raznastajnych umovach (navat u haradskim łandšafcie) dla roznych zadač, źviazanych z pošukam i sačeńniem. Siarod inšaha vyjaviłasia, naprykład, što bieśpiłotniki zdolnyja adsočvać ruchomyja celi.
Choć vadkija niejronavyja sietki pieraŭzyšli inšyja padychody da navihacyjnych zadač i pakazali majsterstva ŭ pryniaćci nadziejnych rašeńniaŭ u nieviadomym asiarodździ — u lesie, haradskim łandšafcie, asiarodździ z dadatkovym šumam i kručeńniem — pakul jašče nie ŭsio idealna, kali sprava dachodzić da razumieńnia pryčynna-vynikovaj suviazi.
Nadziejnaje navučańnie i pradukcyjnaść u niepraduhledžanych scenarach — heta adny z klučavych prablem, jakija mašynnaje navučańnie i aŭtanomnyja rabatyzavanyja sistemy pavinny pieraadoleć, kab zamacavacca ŭ žyćciova važnych prajektach.
