Fota: krym.news
Płanavyja adklučeńni haračaj vady ŭ Minsku pačnucca 16 maja, jany nieabchodnyja dla praviadzieńnia vyprabavańniaŭ i ramontu inžyniernych sietak. Termin adklučeńnia nie pavinien pieravyšać 13 dzion, ale enierhietyki majuć namier paskoryć svaju pracu, kab skaracić dyskamfortny dla haradžan pieryjad.
Pra heta na pasiadžeńni rabočaj hrupy pa pytańniach dobraŭparadkavańnia i ŭtrymańnia haradskich terytoryj raspavioŭ dyrektar filijała «Minskija ciepłavyja sietki» pradpryjemstva «Minskenierha» Aleh Žur, paviedamlajuć «Minsk-naviny».
«U 2022 h. siaredni termin płanavaha adklučeńnia haračaha vodazabieśpiačeńnia ŭ našych spažyŭcoŭ skłaŭ 11,03 sutak. U hetym hodzie pastarajemsia skaracić jaho jašče bolš. Imkniomsia nablizicca da 10 sutak. Dla hetaha sfarmavanaja dadatkovaja bryhada avaryjna-adnaŭlenčaj słužby, pavialičanaja kolkaść zvarščykaŭ i majstroŭ, a taksama rabotnikaŭ, jakija vykonvajuć dobraŭparadkavańnie. Heta dazvolić chutčej likvidavać paškodžańni, jakija buduć vyjaŭlenyja pry hidraŭličnych vyprabavańniach sietak», — patłumačyŭ Aleh Žur.
