Meta prahramy — padtrymać biełaruskich abituryjentaŭ i abituryjentak, studentaŭ i studentak, vykładčykaŭ i vykładčyc, a taksama navukoŭcaŭ, jakija zaznali represii paśla padziej 2020 hoda albo znachodziacca pad pahrozaju represij.
Padać zajaŭku na stypiendyju možna, kali vy vučyciesia ci płanujecie pastupać na prahramy bakałaŭryjata abo mahistratury va ŭniviersitety Litvy, Łatvii, Čechii ci Polščy.
Uchvalenaja zajaŭka daje prava na atrymańnie stypiendyi 450 jeŭra na miesiac pry terminie padtrymki dva akademičnyja hady.
Kab uziać udzieł u konkursie, treba nie paźniej za 12:00 30 červienia zapoŭnić ankietu i prykłaści nieabchodnyja dakumienty na sajcie prahramy. Zajaŭki ŭžo možna dasyłać.
Ich razhledzić adboračnaja kamisija z pradstaŭnikoŭ Central Project Management Agency, arhanizacyj hramadzianskaj supolnaści, pradstaŭnikoŭ prademakratyčnaha ruchu Biełarusi i źniešnich niezaležnych ekśpiertaŭ.
Kandydatak i kandydataŭ, čyje zajaŭki paśpiachova projduć konkurs, nie paźniej za 15 lipienia zaprosiać na matyvacyjnaje intervju.
12 červienia ŭ 16:00 (GMT+3, Minsk) adbudziecca sieminar pa praviłach padačy zajavak. Rehistracyja pa spasyłcy.
Daviedacca padrabiaznaści i padać zajaŭku možna na sajcie prahramy.
