U čaćvier viečaram u sabory Śviatoha Piatra ŭ Vatykanie mužčyna raspranuŭsia dahała i zalez na hałoŭny ałtar chrama ŭ znak pratestu suprać vajny va Ukrainie. Pra heta, jak piša «Jeŭrapiejskaja praŭda», paviedamiła vydańnie Il Messaggero.
Scenu pratestu źniali na mabilnyja telefony ŭražanyja naviedvalniki i raspaŭsiudzili ŭ sacyjalnych sietkach.
Mužčyna małankavym skačkom zdoleŭ padniacca na hałoŭny ałtar, raspranuŭšysia całkam dahała.
Prysutnyja razam z žandarami nieadkładna ŭmiašalisia i prymusili mužčynu znoŭ apranucca, dastaviŭšy jaho ŭ žandarmieryju dla dopytu i identyfikacyi.
Padčas svajho pratestu mužčyna skazaŭ, što pakutuje praź dziaciej, jakija hinuć pad rasijskimi bombami va Ukrainie. Jak stała viadoma vydańniu, aŭtar hetaha nieadnaznačnaha žestu pakutavaŭ ad mocnaj depresii — až da taho, što nanosiŭ sabie rany paznohciami.
U sabory Śviatoha Piatra takoje adbyvajecca nie ŭpieršyniu.
