«Daŭno chacieła zrabić sabie čokier z žetonaŭ. Vykarystała 14 jubilejnych žetonaŭ 2014 hoda, 8 z vyjavami stancyj ad «Maskoŭskaj» da «Instytuta kultury» i 6 paŭtornych. Zaraz u čorny dzień zakinu nie ŭ łambard, a ŭ turnikiet», — napisała mastačka ŭ sacsietkach.
Jak raskazała Nadzieja ŭ kamientaryi CityDog.io, ciarod standartnych žetonaŭ na mietro sustrakajucca žetony jubilejnaj sieryi, vypuščanyja da 30-hodździa zapusku Minskaha mietrapalitena, z vyjavaj peŭnaj stancyi. Heta vosiem uviedzienych u ekspłuatacyju ŭ 1984 hodzie stancyj: «Maskoŭskaja», «Park Čaluskincaŭ», «Akademija navuk», «Płošča Jakuba Kołasa», «Płošča Pieramohi», «Kastryčnickaja», «Płošča Lenina» i «Instytut kultury».
Konturny malunak stancyi naniesieny na kožny taki žeton, a taksama podpis na biełaruskaj movie kirylicaj i łacinkaj. Koler u hetaj sieryi taki ž samy, tamu mnohija nie zaŭvažajuć roźnicy pamiž zvyčajnym i jubilejnym žetonam.
«Sieryja była vialikaja, pa 75 000 kožnaha typu, tamu i zaraz možna sabrać sabie nabor jubilejnych žetonaŭ z užytku, — dzielicca mastačka. — Ja daŭno sabrała svoj kamplekt, i jon visieŭ nad pracoŭnym stałom u jakaści natchnieńnia, bo ja časta maluju staličny transpart. I voś sabrała druhi kamplekt i padumała, što možna vykarystać ich dla niečaha inšaha».
Nadzieja havoryć, što ideja zrabić upryhažeńni pryjšła sama saboj:
«Ja čas ad času rablu sabie ŭpryhažeńni z nakryvak ad piva ci hałoŭ ad lalek Barbi. Tak i źjavilisia karali z žetončykaŭ».
Pad pastom u sacsietkach padpisčyki dziaŭčyny pytajucca, ci možna zamović takuju pryhažość sabie. Nadzieja na heta kaža, što kankretna hety čokier jana rabiła dla siabie, ale kali niechta zachoča, to možna i paŭtaryć.
«Technična nijakich ciažkaściaŭ niama: unutry žetona mietaličnaja ŭstaŭka, jakaja zajmaje nie ŭsiu płošču, tak što ja prosta prakałoła ŭ płastyku dzirački haračaj ihołkaj i złučyła čyrvonaj loskaj, jakaja simvalizuje liniju padziemki».
Nadzieja dzielicca, što zaraz prosta abaviazanaja znajści čas namalavać minskaje mietro: «Tralejbusy i tramvai daŭno jość, a na mietro mnie brakuje času».
Čytajcie taksama:
17 krutych słoŭ, jakija biełarusy vykarystoŭvajuć u ruskaj movie (a rasijanie mohuć i nie zrazumieć)