U apublikavanaj kvitancyi Kamitet dziaržaŭnaj biaśpieki papiaredžvaje biełarusaŭ, što śpiecsłužby zamiežnych dziaržaŭ, maŭlaŭ, «robiać sproby viarboŭki biełaruskich hramadzian dla atrymańnia raźviedvalnaj infarmacyi, učynieńnia dyviersij i teraktaŭ».
Dziela taho, na dumku łukašenkaŭskich čekistaŭ, da hramadzian mohuć źviartacca praz sacyjalnyja sietki i miesiendžary z roznymi zamanlivymi prapanovami: pieradavać roznuju infarmacyju, vykanać «niaznačnyja» prośby, atrymlivać zarobak «niestandartnymi sposabami» i h. d.
Adzinaj pravilnaj reakcyjaj na hetyja prapanovy, na dumku KDB, musić być zvarot u represiŭnyja struktury:
«Kali ŭ dačynieńni da vas ci vašych blizkich, znajomych, siabroŭ, rabilisia padobnyja zachady, prajavicie śviadomaść i nieadkładna źviarniciesia ŭ orhany dziaržbiaśpieki».
Čytajcie taksama:
Viciebskija łukašysty stali zapisvać videa z animavanymi piersanažami
