Michaił Kryštapovič. Fota: Tut.by
Na pačatku 2020-ha samalot «Biełavii», jaki lacieŭ u Miunchien, raźviarnuli na zahad Łukašenki i pasadzili ŭ Hrodnie. U samalocie byŭ u tym liku Michaił Kryštapovič, na toj čas — dyrektar Haradziejskaha cukrovaha kambinata. Pa pryziamleńni jaho aryštavaŭ KDB.
Pa «spravie cukrovych zavodaŭ» prachodziła niekalki dyrektaraŭ zavodaŭ (Žabinkaŭskaha, Słuckaha, Skidzielskaha i Haradziejskaha), a taksama niekalki kamiersantaŭ i namieśnik Karpiankova ŭ HUBAZiKu — načalnik 2-ha ŭpraŭleńnia Uładzimir Cichinia.
KDB zajaviŭ, što praź dziejańnie hetaj hrupy biudžet niedaličyŭsia 70 miljonaŭ dalaraŭ. Sama schiema zaklučałasia ŭ adhruzcy pasiarednikam cukru pa stratnych cenach z nastupnaj realizacyjaj praź nieabaviazkovuju prakładku pa zavyšanaj canie. Čynoŭniki z hetaha mieli dolu, jak i Cichinia, jaki kansultavaŭ zmoŭščykaŭ na pradmiet biaśpieki i intaresu da ich sumiežnych orhanaŭ.
U 2021-m mnohija (aproč Cichini, jaki vyjšaŭ pierad vybarami apracoŭvać kryminalny elemient dla baraćby z apazicyjaj), atrymali terminy.
Kryštapovič atrymaŭ 13 hadoŭ kałonii. Adbyvaŭ termin u Babrujsku.
Ale, jak nam stała viadoma, šmatrazovyja chadajnictvy Kryštapoviča na imia Łukašenki ab pamiłavańni dali plon, i Kryštapovič byŭ pamiłavany. Dniami jon vyjšaŭ z kałonii.
«Bolš za toje, Kryštapovič atrymaŭ u padparadkavańnie kałhas u adnoj z abłaściej. Viartajecca na svabodu ŭpraŭlencam», — skazała «Našaj Nivie» abaznanaja krynica.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»
