Tank Leopard 2A6 padčas niadaŭnich vučeńniaŭ NATA ŭ Litvie Fota: Mindaugas Kulbis / AP
Hałoŭny daradca prezidenta Litvy Kiastucis Budrys 25 lipienia anansavaŭ najbujniejšuju ŭ historyi krainy zakupku tankaŭ dla patreb armii. Pavodle słoŭ Budrysa, jakija pieradaje vydańnie Delfi, zakuplacca jany buduć, chutčej za ŭsio, u Hiermanii.
Jak adznačajecca, u Litvie ciapier aktyŭna stvarajecca novaja piachotnaja dyvizija, u skład jakoj maje ŭvajści novy tankavy bataljon, dla jakoha i płanujucca masavyja zakupki tankaŭ.
Usiaho płanujecca vydatkavać 2 miljardy jeŭra, što, na dumku Budrysa, źjaŭlajecca rekordnaj sumaj dla Litvy ŭvohule.
Heta stanie adnoj z najbujniejšych zakupak Litvy — nie tolki ŭ ramkach vojska, ale i dla našaj krainy ŭ cełym. Havorka idzie pra dva miljardy jeŭra, što składajecca nie tolki z samich tankaŭ, ale i bojeprypasaŭ, łahistyki, zabieśpiačeńnia», — zajaviŭ hałoŭny daradca prezidenta Litvy Kiastucis Budrys.
Nahadajem, što aproč Litvy stvareńniem novaha bataljona niadaŭna zacikaviłasia Polšča. Hety sapiorny bataljon budzie zajmacca abaronaj Suvałkskaha kalidora, vakoł jakoha ciapier idzie infarmacyjnaja šumicha z boku Rasii i Biełarusi nakont jaho mahčymaha zachopu vahnieraŭcami.
Čytajcie taksama:
Premjerka Šymanicie pra vahnieraŭcaŭ u Biełarusi: «Hatoŭnaść Litvy — adekvatnaja situacyi»
a z čaho? voś cikava... na čym tak kruta zmahła zarabić Letuva (asabliva ciaham apošnich hod), što moža sabie dazvolić