Kaciaryna Kałatoŭkina. Arhanizatarka i ŭdzielnica prajekta «Žonka hieroja»
Fotavystava zjaŭlajecca častkaj rasijskaha prapahandysckaha prajekta žonki kamandzira 2-j ahulnavajskovaj armii RF Kaciaryny Kałatoŭkinaj.
Hrošy na mierapryjemstva žančyna atrymała z Fondu prezidenckich hrantaŭ RF praz dabračynny fond «Radaść». Ahulnaja suma hranta — 3,1 młn rasijskich rubloŭ. Jašče 1,7 młn rubloŭ vyłučaje partniorskaja arhanizacyja. Sumarna heta kala 50 tysiač dalaraŭ.
Kałatoŭkina z mužam i dziećmi. Fota ź jejnaha asabistaha archiva
U apisańni prajekta havorycca, što na hetyja hrošy buduć arhanizavany 25 fotasiesij dla žonak mabilizavanych, 1 pierasoŭnaja fotavystava z partretami 48 žonak mabilizavanych, 1 kancert z udziełam žonak vajskoŭcaŭ i prysutnaściu nie mienš jak 700 hledačoŭ, 2 majstar-kłasy pa vyrabie šaŭronaŭ, jakija naviedajuć nie mienš za 20 žančyn, adbudziecca nie mienš za 30 sustreč žonak vajskoŭcaŭ ź nie mienš jak 900 staršakłaśnikami Samarskaj vobłaści.
Niepasredna ŭ Minsku vystavu arhanizujuć prarasijskaja arhanizacyja «Ruś maładaja» sumiesna z Kamitetam siemjaŭ voinaŭ Ajčyny Branska pry padtrymcy Nacyjanalnaj biblijateki Biełarusi.
