Brus Uilis i Demi Mur, 2018 hod. Fota: Phil Faraone / VMN18 / Getty Images For Comedy Central
68-hadovy akcior z «Mocnaha areška», jaki zmahajecca z łobna-skronievaj demiencyjaj, bolš nie ŭ stanie paznać Demi, svaju byłuju žonku. Para ažaniłasia ŭ 1987 hodzie i pražyła razam 13 hadoŭ, u ich troje ahulnych dziaciej: 35-hadovaja Rumier, 32-hadovaja Skot i 29-hadovaja Tałuła.
Praŭda, Brus jašče paznaje siońniašniuju žonku Emi i svaich dziaciej. Krynica raskazała, što jon «vykazvaje radaść», kali jaho starejšaja dačka Rumier uvachodzić u pakoj sa svaim novanarodžanym synam Łu.
Brus Uilis. Fota ź jaho instahrama
Brus Uilis trapiŭ u zahałoŭki ŭ minułym hodzie, kali publična raspavioŭ pra svoj stan. Pra jaho ciažki stan zdaroŭja ŭpieršyniu stała viadoma viasnoj 2022 hoda, kali jaho siamja abviaściła, što ŭ jaho afazija.
Hety stan upłyvaje na zdolnaść čałavieka razumieć maŭleńnie i kamunikavać. Potym stała viadoma, što Uilis zavieršyŭ karjeru.
Čytajcie taksama:
«Błasłavieńnie i praklon». Stan Brusa Uilisa imkliva horšaje
«Jon pakul pamiataje, chto ja». Dačka chvoraha na demiencyju Uilisa z sumam raskazała pra jaho stan
Łobna-skronievaja demiencyja. Što za chvaroba, na jakuju chvareje Brus Uilis?
