«Na žal, nie ŭsie płacielščyki, jakija apierujuć servisami dla darosłych, adnolkava adkazna staviacca da padatkaabkładańnia. Kampanija, jakaja apieruje sajtam PornHub, uchilajecca ad rehistracyi, u suviazi z čym da jaje byŭ vykarystany štraf u pamiery 5543 dalaraŭ ZŠA», — adznačyŭ deputat.
Pavodle źviestak deputata, Ukraina pa rejtynhu PornHub znachodzicca na 14-m miescy siarod inšych krain pa prahladach hetaha sajta.
Jak bolš pazityŭny prykład u paraŭnańni z PornHub Daniła Hietmancaŭ pryvioŭ sacsietku ź intymnym kantentam Onlyfans, jakaja, pavodle jaho, z pačatku 2023 hoda ŭžo vypłaciła ŭ dziaržaŭny biudžet Ukrainy 944,1 tys. dalaraŭ.
Rabić vypłaty ŭ biudžet Ukrainy hetyja kampanii abaviazanyja pavodle tak zvanaha «padatku na Google» — zakona, jaki ŭstupiŭ u siłu ŭ pačatku 2022 hoda i abaviazaŭ bujnyja technałahičnyja kampanii nakštałt Google, Amazon ci Meta płacić va Ukrainie 20% padatku na dadanuju vartaść.
Čytajcie taksama:
Pornhub raspavioŭ, jakoje porna biełarusy čaściej za ŭsio hladzieli ŭ hetym hodzie
Školniki abmieńvalisia dypfejkavymi porna svaich adnakłaśnic. I ich nie zmahli pakarać
