Fota: Thomas Trutschel/Photothek via Getty Images
Zhodna z dakumientam, novy pakiet sankcyj uklučaje ŭ siabie:
- pramy abo ŭskosny impart, kuplu abo pieradaču ałmazaŭ z Rasii. Hetaja zabarona raspaŭsiudžvajecca na ałmazy, jakija pachodziać z Rasii, ałmazy, ekspartavanyja z Rasii, ałmazy, jakija iduć tranzitam praz Rasiju, i rasijskija ałmazy, apracavanyja ŭ trecich krainach;
- novyja ekspartnyja abmiežavańni suprać Rasii na pradukcyju i technałohii padvojnaha pryznačeńnia;
- zabarona na impart z Rasii zvadkavanaha prapana, miednaha i aluminijevaha drotu, lityjevych akumulataraŭ, kamplektujučych dla BPŁA;
- zabarona hramadzianam Rasii zajmać kiraŭničyja pasady ŭ jeŭrapiejskich kampanijach, źviazanych z kryptavalutami;
- uklučeńnie ŭ čorny śpis 140 fizičnych asob i kampanij.
U śpis tych, chto niepasredna padtrymlivaje rasijski vajenna-pramysłovy kompleks, uklučanyja 29 novych arhanizacyj. Ich zakranuć bolš žorstkija ekspartnyja abmiežavańni na tavary i technałohii padvojnaha pryznačeńnia, a taksama na tavary i technałohii, jakija spryjajuć palapšeńniu rasijskaha abaronnaha siektara i biaśpieki.
U toj ža čas ES vyrašyŭ zrabić vyklučeńni z abmiežavańniaŭ na impart pradmietaŭ asabistaha karystańnia, a taksama dla aŭtamabilaŭ, jakija majuć dypłamatyčnyja numarnyja znaki dla ŭjezdu ŭ ES.
Čytajcie taksama:
Aŭstryja razbłakavała sankcyi suprać Rasii. Ale Ukraina pajšła joj na sastupki pa banku Raiffeisen
Zachodnija krainy mohuć kanfiskavać zamarožanyja aktyvy Rasii «ŭ adpaviednaści ź mižnarodnym pravam»
U prajekt 12-ha pakieta sankcyj Jeŭrasajuza za vajnu va Ukrainie trapili 11 biełarusaŭ
