Łukašenka i Ksienija Salej. Fota: partał Łukašenki
Ksienija Salej z horada Iŭje ci jaho vakolicaŭ. Ksienija — studentka čaćviortaha kursa śpiecyjalizacyi «Drukavanyja ŚMI» Hrodzienskaha dziaržaŭnaha ŭniviersiteta imia Janki Kupały.
Pra siabie dziaŭčyna raskazvała miascovaj haziecie, što jašče ŭ 11-m kłasie vyrašyła stać žurnalistkaj. I pra vybar prafiesii, maŭlaŭ, nie škaduje.
Dziaŭčyna — aktyvistka ŭ svaim univiersitecie, choć infarmacyi pra toje, što jana siabra BRSM ci prafsajuzaŭ, znajści nie ŭdałosia. Adnak u jaje časta biaruć intervju praŭładnyja miedyja. Pra refierendum nakont źmienaŭ kanstytucyi, jaki adbyŭsia adrazu paśla pačatku rasijskaha ŭvarvańnia va Ukrainu, jana raspaviadała tak:
«Siońnia ja hałasuju ŭpieršyniu. Heta vielmi adkazny krok dla mianie. Ja liču, što mienavita ŭ našych rukach, rukach moładzi, znachodzicca budučynia krainy. U nas jość mahčymaść zrabić svoj vybar tut i ciapier. Dumaju, siońniašniaja padzieja zastaniecca ŭ majoj pamiaci».
Tam ža jana kazała, što robić heta asensavana, maŭlaŭ, praanalizavała ŭsie źmianieńni ŭ Kanstytucyi i havoryć im «tak».
Ksienija Salej
U dziaržaŭnych ŚMI jana raskazvała, što hanarycca svajoj prafiesijaj i tym, što vučycca ŭ HrDU.
Ksienija padpracoŭvaje ŭ hazietach «Iŭjeŭski kraj» dy «Hrodzienskaja praŭda» jak žurnalistka. Robić materyjały i dla inšych miedyja — naprykład, univiersiteckich. Jana piša pra ŭsio zapar: pra sport, maładych śpiecyjalistaŭ dy miascovyja śviaty.
Siońnia Ksienija Salej upieršyniu źjaviłasia na takim bujnym mierapryjemstvie. Łukašenka pasadziŭ jaje levaruč ad siabie — sprava siadzieła 25-hadovaja aficerka Uładlena Zajcava.
Ksienii 20 hadoŭ. I, kali vieryć internet-krynicam, Łukašenkava siaredniaja pa ŭzroście ŭnučka Anastasija, dačka Dźmitryja Łukašenki, taksama 2003 hoda naradžeńnia.
Starejšaja 25-hadovaja ŭnučka Łukašenki Viktoryja, dačka Viktara Łukašenki, vyjšła zamuž za adnahrupnika z Połacka dva hady tamu.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Stała viadoma, z kim tancavaŭ Łukašenka na respublikanskim bali
Łukašenka: Nichto na nas nie źbirajecca napadać. U tym liku ŭkraincy
